Sharathulu Varthisthai : షరతులు వర్తిస్తాయి సినిమా నుండి 'పన్నెండు గుంజల పందిర్ల కింద' " లిరికల్ సాంగ్ విడుదల
ఈ వార్తాకథనం ఏంటి
చైతన్య రావు, భూమి శెట్టి జంటగా నటించిన చిత్రం 'షరతులు వర్తిస్తాయి'. కుమారస్వామి (అక్షర) దర్శకత్వం వహించిన ఈ చిత్రాన్ని స్టార్ లైట్ స్టూడియోస్ బ్యానర్‌పై నాగార్జున సామల, శ్రీష్ కుమార్ గుండా, డా. కృష్ణకాంత్ చిత్తజల్లు నిర్మించారు.
అన్ని కార్యక్రమాలు పూర్తి చేసుకున్న ఈ చిత్రం త్వరలో థియేటర్లలో విడుదలకు సిద్ధమవుతోంది. ఈ సినిమాలోని 'పన్నెండు గుంజల పందిర్ల కింద' అనే లిరికల్ సాంగ్‌ని స్టార్ డైరెక్టర్ శేఖర్ కమ్ముల విడుదల చేశారు.
"షరతులు వర్తిస్తాయి" దర్శకుడు కుమారస్వామి కష్టాన్ని,అంకితభావాన్ని గుర్తు చేస్తూ దర్శకుడు శేఖర్ కమ్ముల తన అభిమానాన్ని చాటుకున్నారు.
Details
ప్రతి పెళ్లిలో ఈ పాట వినిపిస్తుంది: శేఖర్ కమ్ముల
కమ్ముల సురేష్ బొబ్బిలి సంగీతాన్ని,పెద్దింటి అశోక్ కుమార్ సాహిత్యాన్ని మెచ్చుకుంటూ ఈ పాట వింటుంటే తెలంగాణ మట్టివాసన కనిపిస్తోందన్నారు.
నేను ఫిదా సినిమాలో వచ్చిండే పాట తీసినప్పుడు కూడా ఇలానే ఫీల్ అయ్యానన్నారు. ప్రతి పెళ్లిలో ఈ పాట వినిపిస్తుందని అనుకుంటున్నారు.
చైతన్యరావు సహజమైన నటనను మెచ్చుకుంటూ,పాటలతో పాటు ఈ సినిమా కూడా మంచి హిట్ అవ్వాలని మొత్తం టీమ్ విజయం సాధించాలని ఆకాంక్షించారు.
Details
శేఖర్ కమ్ములకు హీరో చైతన్యరావు కృతజ్ఞతలు
ఈ పాటకు సహకరించిన అశోక్ కుమార్, సురేష్ బొబ్బిలికి అలాగే ఈ పాటను విడుదల చేసినందుకు శేఖర్ కమ్ములకు హీరో చైతన్యరావు కృతజ్ఞతలు తెలిపారు.
రాబోయే పెళ్లిళ్ల సీజన్‌లో ఈ పాట వైరల్ అవుతుందని అన్నారు."షరతులు వర్తిస్తాయి"లో నటించే అవకాశం కల్పించినందుకు దర్శకుడు కుమారస్వామికి కృతజ్ఞతలు తెలిపారు.
ఈ కార్యక్రమంలో తెలంగాణ భాషా సాంస్కృతిక శాఖ సంచాలకులు మామిడి హరికృష్ణ, హీరో చైతన్య రావు, డైరెక్టర్ కుమార స్వామి, రచయిత పెద్దింటి అశోక్ కుమార్.. పలువురు మూవీ యూనిట్ పాల్గొన్నారు.