SSMB29: SSMB29 ప్రాజెక్ట్‌ అప్డేట్ షేర్ చేసిన రాజమౌళి.. వైరల్‌గా మరీన ఫొటో
ఈ వార్తాకథనం ఏంటి
తెలుగు సినిమా అభిమానులకు ఓ ఉత్తేజకరమైన వార్త! మహేష్ బాబు (Mahesh Babu) కథానాయకుడిగా ఎస్‌.ఎస్‌.రాజమౌళి (SS Rajamouli) దర్శకత్వంలో వస్తున్న కొత్త యాక్షన్ అడ్వెంచర్ మూవీ #SSMB29. ప్రస్తుతం ప్రీ ప్రొడక్షన్ దశలో ఉంది. ఈ ప్రాజెక్ట్‌కి సంబంధించిన ప్రతి అప్డేట్ అభిమానుల్ని చాలా ఆసక్తిగా ఉంచుతోంది. రాజమౌళి ఇటీవల తన సోషల్ మీడియా ఖాతాలో పంచుకున్న ఫొటో ఒక ప్రత్యేకమైన సందేశాన్ని ఇస్తోంది. ఎడారి ప్రాంతంలో తాను తిరుగుతున్న ఫొటోతో ఆయన "కనుగొనడం కోసం తిరుగుతున్నా" అని క్యాప్షన్ పెట్టడం, ఈ సినిమా కోసం లొకేషన్స్‌ పరిశీలిస్తున్నట్టు అర్థమవుతోంది. దీంతో, మహేశ్‌బాబు అభిమానులు త్వరలోనే అప్డేట్ షేర్ చేయాలని కోరుతున్నారు.
వివరాలు
ఈ భారీ ప్రాజెక్ట్‌ కోసం ఆధునిక ఏఐ టెక్నాలజీ
ఇటీవల ఈ చిత్రానికి సంబంధించిన మరో వార్త కూడా వైరల్‌గా మారింది. రాజమౌళి ఈ భారీ ప్రాజెక్ట్‌ కోసం ఆధునిక ఏఐ టెక్నాలజీని ఉపయోగించనున్నారు. ఈ ప్రక్రియ కోసం ఆయన ప్రత్యేక శిక్షణ పొందుతున్నట్లు తెలుస్తోంది. సినిమాలోని కొన్ని పాత్రలు, జంతువులను సృష్టించడానికి ఈ టెక్నాలజీని ఉపయోగిస్తారని సమాచారం. రాజమౌళి దర్శకత్వంలో వీఎఫ్‌ఎక్స్‌ సాంకేతికత ఎప్పుడూ అత్యధికంగా ఉంటుంది, కాబట్టి ఈ సినిమాలో ఆ స్థాయి మరింత పెరిగే అవకాశం ఉంది. ఈ కథ అమెజాన్ అడవుల నేపథ్యంలో ఉంటుందని.. ఇందులో పలువురు విదేశీ నటులు కూడా కనిపిస్తారని తెలుస్తోంది. సినిమాను భారతీయ భాషలతో పాటు విదేశీ భాషలలోనూ అనువదించనున్నారు. ఈ చిత్రాన్ని దుర్గా ఆర్ట్స్‌పై కె.ఎల్‌.నారాయణ నిర్మిస్తున్నారని సమాచారం.
వివరాలు
సరికొత్త లుక్‌లో దర్శనమిచ్చే మహేశ్‌బాబు
మహేశ్‌బాబు ఈ సినిమాలో సరికొత్త లుక్‌లో దర్శనమిచ్చే అవకాశం ఉంది. ఆ పాత్ర కోసం ఆయన ఇప్పటికే శిక్షణ తీసుకుంటున్నాడు. సినిమా ప్రకటించినప్పటి నుంచి అభిమానులు అప్‌డేట్‌ల కోసం ఎదురు చూస్తున్నారు, ప్రత్యేకించి 'ఆర్‌ఆర్‌ఆర్‌' (RRR) తర్వాత రాజమౌళి తెరకెక్కిస్తున్న చిత్రం కావడంతో ఆ అంచనాలను దృష్టిలోపెట్టుకొనే ప్రతిదాన్ని ప్లాన్‌ చేస్తున్నారు. మహేశ్‌బాబు, రాజమౌళి జోడీని చూడాలని తెలుగు సినిమా ప్రేక్షకులు ఆతృతగా ఎదురుచూస్తున్నారు.