అప్పుడు పూజా హెగ్డే, ఇప్పుడు రష్మికను మార్చేసిన శ్రీలీల?
ఈ వార్తాకథనం ఏంటి
తెలుగు సినిమా ఇండస్ట్రీలో ప్రస్తుతం టాప్ లో ఉన్న హీరోయిన్లలో పూజా హెగ్డే, రష్మిక మందన్న మొదటి రెండు స్థానాల్లో ఉంటారు. అయితే గతకొన్ని రోజులుగా వీరిద్దరికీ మంచి పోటీనిస్తోంది శ్రీలీల.
పెళ్ళి సందడి సినిమాతో ఇండస్ట్రీకి పరిచయమైన శ్రీలీల, ఆ తర్వాత ధమాకాతో మంచి హిట్ అందుకుని వరుసగా అవకాశాలు తెచ్చేసుకుంటోంది.
ప్రస్తుతం ఆమె నటిస్తున్న సినిమాల లిస్ట్ చూసుకుంటే, ఆదికేశవ, భగవంత్ కేసరి, స్కంద, ఉస్తాద్ భగత్ సింగ్, గుంటూరు కారం సహా ఏడు సినిమాల్లో నటిస్తోంది.
ఆమె ఖాతాలో మరో సినిమా చేరిందని టాక్ వినిపిస్తోంది. నితిన్, రష్మిక చేస్తున్న కొత్త సినిమాలో శ్రీలీలను తీసుకున్నారని టాక్ వినిపిస్తోంది. అది కూడా రష్మిక స్థానంలో అని అంటున్నారు.
Details
బిజీ షెడ్యూల్సే కారణం
వెంకీ కుడుముల దర్శకత్వంలో నితిన్, రష్మిక హీరోయిన్లుగా సినిమా తెరకెక్కుతోందని గతంలో ప్రకటన వచ్చింది. ప్రస్తుతం ఈ సినిమా నుండి రష్మిక తప్పుకుందని అంటున్నారు. ఆమె స్థానంలో శ్రీలీలను తీసుకున్నారని వార్తలు వస్తున్నాయి.
యానిమల్, పుష్ప 2, రెయిన్ బో చిత్రాలతో బిజీగా ఉండడం వల్ల నితిన్ తో సినిమాను రష్మిక చేయలేకపోతుందని, అందుకే తప్పుకుందని అంటున్నారు. ఈ విషయంపై ఇంకా అధికారిక సమాచారం రాలేదు.
ఒకవేళ ఈ సినిమాలో శ్రీలీలను తీసుకుంటే ఆమెకు మంచి ఆఫర్ దొరికినట్టే. మొన్నటి మొన్న గుంటూరు కారం సినిమాలో పూజా హెగ్డే తప్పుకుందని, దాంతో శ్రీలీలను మెయిన్ హీరోయిన్ గా మార్చేసారని అన్నారు.