ఈ వారం థియేటర్లలో, ఓటీటీలో రిలీజ్ అవుతున్న సినిమాల లిస్టు
ప్రతీ వారం కొత్త కొత్త సినిమాలు థియేటర్లలో, ఓటీటీలో వస్తుంటాయి. ఈ వారం ఇటు థియేటర్లలో, అటు ఓటీటీలో రిలీజ్ అయ్యే సినిమాల గురించి తెలుసుకుందాం. సగిలేటి కథ: రవి మహదాస్యం, విషికా లక్ష్మణ్ హీరో హీరోయిన్లుగా రూపొందిన రాయలసీమ ప్రాంత నేపథ్యంలో సాగే కథ సగిలేటి కథ. రాజశేఖర్ సుద్మూన్ దర్శకత్వం వహించిన ఈ సినిమా, అక్టోబర్ 13వ తేదీన థియేటర్లలో విడుదలవుతుంది. నీతోనే నేను: వికాస్ వశిష్ట, మోక్ష, కుషిత కళ్ళపు నటించిన నీతోనే నేను చిత్రాన్ని అంజి రామ్ డైరెక్ట్ చేసారు. అక్టోబర్ 13వ తేదీన థియేటర్లలో నీతోనే నేను సందడి చేయనుంది.
రాక్షస కావ్యం:
అన్వేష్ మైఖేల్, అభయ్ బేతిగంటి, కుషాలిని పులప ప్రధాన పాత్రల్లో రూపొందిన చిత్రం రాక్షస కావ్యం. శ్రీమాన్ కీర్తి దర్శకత్వం వహించిన ఈ సినిమాకు దాము రెడ్డి నిర్మాతగా ఉన్నారు. అక్టోబర్ 13వ తేదీన థియేటర్లలోకి వస్తుంది. ధక్ ధక్(హిందీ): హీరోయిన్ తాప్సీ పన్ను నిర్మాతగా మారి రూపొందించిన చిత్రం ధక్ ధక్. ఫాతిమా సనా షేక్, దియా మీర్జా, సంజనా సంఘి నటించిన ఈ సినిమా, అక్టోబర్ 13వ తేదీన థియేటర్ల్లఓ రిలీజ్ అవుతుంది.
ఓటీటీలో రిలీజ్ అవుతున్న సినిమాలు
ఆహా: మట్టి కథ - అక్టోబర్ 13నుండి స్ట్రీమింగ్ అవుతుంది. మిస్టేక్ - అక్టోబర్ 13 నుండి ఆహాలో అందుబాటులో ఉండనుంది. జీ5: ప్రేమ విమానం - సంగీత్ శోభన్, అనసూయ భరధ్వాజ్, వెన్నెల కిషోర్ ప్రధాన పాత్రల్లో రూపొందిన చిత్రం ప్రేమవిమానం. సంతోష్ కాటా దర్శకత్వం వహించిన ఈ సినిమా, అక్టోబర్ 12నుండి స్ట్రీమింగ్ అవుతుంది. అమెజాన్ ప్రైమ్ వీడియో: విశాల్ నటించిన మార్క్ ఆంటోనీ సినిమా తెలుగు, తమిళ వెర్షన్లలో అక్టోబర్ 13నుండి స్ట్రీమింగ్ అవుతుంది.
