Tillu Square హక్కులు పొందిన ప్రముఖ ఓటిటి .. వచ్చేది అప్పుడేనా?
ఈ వార్తాకథనం ఏంటి
2022లో విడుదలైన బ్లాక్‌బస్టర్ డీజే టిల్లు సినిమా తెలుగు ప్రేక్షకులలో ఎంత క్రేజ్ సంపాదించుకుందో అందరికి తెలిసిందే. ఈ సినిమా హిట్ తో మేకర్స్ ఈ సినిమా సెకండ్ పార్ట్ టిల్లు స్క్వేర్ ను ఈ రోజు ప్రపంచవ్యాప్తంగా విడుదల చేశారు. ఈ సినిమాలో సిద్దుకు జోడిగా అనుపమ పరమేశ్వరన్ నటించింది. ఈ సినిమాకు మల్లిక్ రామ్ దర్శకత్వం వహించారు. ఈ క్రమంలో టిల్లు స్క్వేర్ డిజిటల్ రైట్స్ భారీగా అమ్ముడుపోయినట్లు సమాచారం.
Details
డిజిటల్ స్ట్రీమింగ్ హక్కులను పొందిన నెట్‍ఫ్లిక్స్
ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ ప్లాట‍్‍ఫామ్ 'నెట్ ఫ్లిక్స్ ' సొంతం చేసుకుంది. ఈ విషయాన్ని సినిమా టైటిల్ కార్డులో రివీల్ చేశారు. ఈ సినిమాను నెట్ ఫ్లిక్స్ సంస్థ దాదాపు 35 కోట్లు చెల్లించి కొనుగోలు చేసినట్లు వార్తలు వినిపిస్తున్నాయి. అలాగే నెల తర్వాత ఓటీటీలోకి విడుదల కానుందని సమాచారం. ఈ క్రైమ్ కామెడీలో ప్రిన్స్ సెసిల్, మురళీధర్ గౌడ్, ప్రణీత్ రెడ్డి కల్లెం, కీలక పాత్రలలో నటించారు. అతిధి పాత్రలో నేహా శెట్టి నటిస్తోంది. ఈ మూవీని ఫార్చూన్ ఫోర్ సినిమాస్, సితారా ఎంటర్‌టైన్‌మెంట్స్ బ్యానర్‌లపై నాగ వంశీ, సాయి సౌజన్య నిర్మించారు. థమన్ మ్యూజిక్ ను అందించారు.