Nivetha Thomas : హ్యాపీ బర్త్ డే నివేదా థామస్.. ఆమె కెరీర్‌లో టాప్ చిత్రాలు ఇవే!
ఈ వార్తాకథనం ఏంటి
తెలుగు, తమిళ, మలయాళ సినిమాల్లో నటించి తన కంటూ ఓ ప్రత్యేకమైన గుర్తింపును నివేదా థామస్ దక్కించుకుంది.
నేడు ఈ అందాల తార పుట్టినరోజు. 1995 నవంబర్ 2వ తేదీన జన్మించిన ఈ బ్యూటీ బాలనటిగానే తన కెరీర్‌ను ప్రారంభించింది.
నిన్ను కోరి, బ్రోబేవారెవరురా లాంటి సినిమాలతో ఇక్కడి కుర్రకారు గుండెల్లో స్థానం సంపాదించింది.
మలయాళ అమ్మాయి అయినా, తెలుగు ప్రేక్షకులకు తన తన నటనతో ఎంతో దగ్గరైంది.
కళ్లలతోనే అన్ని భావాలు పలికించే ఈ కేరళ కుట్టి ఇప్పుడు మలయాళ సినిమాలతో పాటు దక్షిణాది భాషలలో కూడా అనేక సినిమాలు చేస్తూ కెరీర్‌లో దూసుకుపోతోంది.
Details
ఉత్తమ యువ నటి పురస్కారం అందుకున్న నివేదా థామస్
నివేదా థామస్ చదువు దాదాపుగా చైన్నైలోనే సాగింది. ఎస్.ఆర్.ఎమ్ యూనివర్సిటీలో ఆమె డిగ్రీ పూర్తి చేశారు.
నివేధా మొదటిసారిగా 'వెరుథె ఒరు భార్య' సినిమాలో నటించింది. ఈ సినిమాతో ఆమెకు మంచి గుర్తింపు లభించింది.
ఇటీవలే కేరళ ప్రభుత్వం 'ఉత్తమ యువ నటి పురస్కారం' కూడా అందుకున్నారు.
2016లో హీరో నాని నటించిన 'జెంటిల్ మేన్' చిత్రం ద్వారా తెలుగులోకి అడుగుపెట్టింది.
ఇక 2020లో విడుదైన తమిళ సూపర్ స్టార్ రజనీకాంత్ సినిమా 'దర్బార్'లో ఆమె నటించింది.
2021లో పవన్ కళ్యాణ్ నటించిన 'వకీల్ సాబ్' సినిమాలో ఆమె మెప్పించింది.