Keerthy Suresh: కీర్తి సురేశ్ 'సత్యవాన్ సావిత్రి' ట్రైలర్ విడుదల.. లాయర్‌గా అదరగొట్టిన బ్యూటీ!
ఈ వార్తాకథనం ఏంటి
సౌతిండియా టాలెంటెడ్ హీరోయిన్ కీర్తి సురేష్ ప్రధాన పాత్రలో నటిస్తున్న తాజా చిత్రం 'సత్యవాన్ సావిత్రి' కోసం సినీ ప్రేక్షకులు ఆసక్తిగా ఎదురుచూస్తున్నారు. ప్రవీణ్ ఎస్. విజయ్ దర్శకత్వంలో ఈ సినిమా పూర్తిస్థాయి కామెడీ ఎంటర్‌టైనర్‌గా, ఆసక్తికరమైన కోర్టు డ్రామాగా తెరకెక్కుతోంది. నవంబర్ 20న ఈ చిత్రం ప్రేక్షకుల ముందుకు రానుంది. ఈ నేపథ్యంలో తాజాగా మేకర్స్ సినిమా ట్రైలర్‌ను విడుదల చేశారు. ప్రస్తుతం ఈ ట్రైలర్ సోషల్ మీడియాలో ట్రెండింగ్‌లో నిలుస్తూ సినిమాపై అంచనాలను పెంచుతోంది.
వివరాలు
పవర్‌ఫుల్ లాయర్‌గా కీర్తి సురేశ్
ట్రైలర్‌ను గమనిస్తే.. కీర్తి సురేశ్ ఇందులో పవర్‌ఫుల్ లాయర్ పాత్రలో కనిపించి ఆకట్టుకున్నారు.
బలవంతంగా వివాహం జరిగినప్పటికీ, హత్య కేసులో అనూహ్యంగా ఇరుక్కున్న తన భర్తను కాపాడుకోవడానికి ఆమె చేసే న్యాయ పోరాటమే ఈ సినిమా ప్రధాన కథాంశంగా తెలుస్తోంది.
ఒకవైపు సీరియస్ కోర్టు రూమ్ డ్రామా, మరోవైపు కీర్తి సురేశ్ చెప్పే డైలాగ్స్‌, ఆమె బాడీ లాంగ్వేజ్‌ ప్రేక్షకులను ఆకట్టుకుంటున్నాయి.
సినిమాలోని కామెడీ టైమింగ్‌ కూడా నవ్వులు పూయించేలా కనిపిస్తోంది. కోర్టులో సాగే వాదనలు, భర్తను కాపాడుకోవడానికి ఆమె ఎదుర్కొనే సవాళ్లు కథపై ఆసక్తిని పెంచుతున్నాయి.
వివరాలు
నవంబర్ 20న థియేటర్లలోకి..
సీరియస్ కోర్టు డ్రామాతో పాటు కామెడీని మేళవించిన ఈ చిత్రం ప్రేక్షకులకు కొత్త అనుభూతిని అందించేలా కనిపిస్తోంది.
ట్రైలర్‌లోని ప్రతి సన్నివేశం సినిమాపై క్యూరియాసిటీని పెంచుతోంది. ఇప్పటికే సోషల్ మీడియాలో ట్రెండింగ్‌లో నిలిచిన ఈ ట్రైలర్‌తో సినిమాపై అంచనాలు మరింత పెరిగాయి.
నవంబర్ 20న థియేటర్లలో విడుదల కానున్న 'సత్యవాన్ సావిత్రి' బాక్సాఫీస్ వద్ద ఎలాంటి విజయాన్ని అందుకుంటుందో చూడాలి.