Bhagavanth Kesari : భగవత్ కేసరి నుండి 'ఉయ్యాల ఉయ్యాల' సాంగ్ రిలీజ్
నటసింహం నందమూరి బాలకృష్ణ హీరోగా అనిల్ రావిపూడి దర్శకత్వంలో తెరకెక్కిన 'భగవత్ కేసరి' సినిమా సెకండ్ సాంగ్ సింగిల్ రిలీజ్ అయింది. 'ఉయ్యాల ఉయ్యాల' అంటూ సాగే సాంగ్‌ను మేకర్స్ విడుదల చేశారు. ఈ సాంగ్ తెలంగాణ జానపద సాంగ్స్ మోడ్ లో ఉంది. థమన్ సంగీతం అందించిన ఈ పాటని ఎస్పీ చరణ్ పాడారు. అనంత్ శ్రీరామ్ లిరిక్స్ రాయగా, భాను డ్యాన్స్ కోరియోగ్రఫీ చేశాడు. ప్రస్తుతం పోస్ట్ ప్రొడక్షన్ వర్క్ పనులు శరవేగంగా జరుపుకుంటోంది. ఇక ఈ సినిమా ట్రైలర్ ని కూడా ఈనెల 8న వరంగల్‌లో భారీగా ఫంక్షన్ ఏర్పాటు చేసి ట్రైలర్ ని లాంచ్ చేయనున్నట్లు సమాచారం.
టీజర్ తో సినిమాపై హైప్ పెంచేసిన డైరక్టర్
భగవంత్ కేసరి నుంచి ఇప్పటికే రిలీజైన టీజర్ ఈ సినిమాపై అంచనాలను పెంచేసింది. ఈ సినిమాను అక్టోబర్ 19న ప్రపంచ వ్యాప్తంగా దసరా కానుగా మూవీ మేకర్స్ విడుదల చేయనున్నారు. ఈ చిత్రంలో కాజల్ అగర్వాల్, శ్రీ లీల, అర్జున్ రాంపాల్ కీలక పాత్రల్లో నటిస్తున్నారు. సాహు గారపాటి, హరీష్ పెద్ది షైన్ స్క్రీన్స్ బ్యానర్ పై ఈ సినిమాను ప్రతిష్టాత్మకంగా నిర్మిస్తున్నారు.
