వరుణ్,లావణ్యల సంగీత్ ఫోటో చూశారా.. సందడి చేసిన రామ్ చరణ్, అల్లు అర్జున్ దంపతులు
మెగా ఫ్యామిలీ మెంబర్ వరుణ్ తేజ్, హీరోయిన్, మెగా కోడలు లావణ్య త్రిపాఠి జంట ఇటలీలో ఒక్కటవుతున్నారు. ఈ మేరకు సోమవారం రాత్రి సంగీత్, కాక్ టైల్ పార్టీ చేసుకున్నారు. ఇటలీలోని టుస్కానీ నగరంలో నవంబర్ 1న టాలీవుడ్ జంట పెళ్లి పీటలెక్కనున్నారు.ఇప్పటికే మెగా, అల్లు, కామినేని, లావణ్య ఫ్యామిలీలతో పాటు ఈ కుటుంబాలకు చెందిన అత్యంత సన్నిహితులు ఇటలీకి చేరుకున్నారు. ఈ క్రమంలోనే 4 రోజుల పాటు జరగనున్న పెళ్లి వేడుకల్లో సందడి చేస్తున్నారు. తాజాగా అక్టోబర్ 30న రాత్రి సంగీత్, కాక్ టైల్ పార్టీ చేసుకున్న ఈ జంట ఫోటోలు సోషల్ మీడియాలో ట్రెండయ్యాయి. వేడుకలో భాగంగా అల్లుఅర్జున్, స్నేహారెడ్డి దంపతులు, రామ్ చరణ్,ఉపాసన దంపతులు వరుణ్,లావణ్యలకు శుభాకాంక్షలు చెప్పారు.
సంగీత్ పార్టీలో టాలీవుడ్ మెగా ఫ్యామిలీ మస్తు ఎంజాయ్
ఈ ఫోటో ఫ్రేమ్ లో సాయి ధరమ్ తేజ్ సైతం ఉండటం విశేషం. ఈ సందర్భంగా దిగిన ఫోటోలు మోస్ట్ మెమరబుల్ గా మారాయి. ఇదే సమయంలో రాత్రి సంగీత్ పార్టీలో టాలీవుడ్ మెగా ఫ్యామిలీ మస్తుగా ఎంజాయ్ చేసినట్లు తెలుస్తోంది. ఇవాళ ఉదయం హల్దీ వేడుకలు ముగించుకున్న ఈ జంట, సాయంత్రం మెహందీ ఈవెంట్ నిర్వహించనుంది. నవంబర్ 1న మధ్యాహ్నం 2 గంటల 48 నిమిషాలకు పెళ్లి ముహూర్తం ఉంది. అదే రోజు రాత్రి రిసెప్షన్ సైతం నిర్వహించనున్నారు. దీంతో వరుణ్ తేజ్, లావణ్య పెళ్లి ఫోటోల కోసం తెలుగు నాట ఫ్యాన్స్ ఆసక్తిగా ఎదురుచూస్తున్నారు.
