మరోసారి పెళ్ళి విషయమై వార్తల్లోకి ఎక్కిన వరుణ్ తేజ్, లావణ్య త్రిపాఠి; జూన్ లో ఎంగేజ్మెంట్ అంటున్నారే?
ఈ వార్తాకథనం ఏంటి
గత కొన్ని రోజులుగా మెగా హీరో వరుణ్ తేజ్, అందాల రాక్షసి లావణ్య త్రిపాఠి రిలేషన్ లో ఉన్నారని వార్తలు వస్తూనే ఉన్నాయి. వీరిద్దరూ పెళ్ళి చేసుకోబోతున్నారని అనేక పుకార్లు వచ్చాయి.
తాజాగా ఈ పుకార్లు మరోసారి ఇంటర్నెట్ లో చక్కర్లు కొడుతున్నాయి. జూన్ లో వరుణ్ తేజ్, లావణ్య త్రిపాఠిల ఎంగేజ్మెంట్ జరగనుందని, ఆ తర్వాత కొన్ని రోజులకు పెళ్ళి ఉంటుందని అంటున్నారు.
ఈ విషయంలో నిజం ఏంటనేది తెలియాలంటే వరుణ్ తేజ్ లేదా లావణ్య త్రిపాఠి స్పందించాల్సిందే.
గతంలో తమ రిలేషన్ గురించి వరుణ్ తేజ్, లావణ్య త్రిపాఠి స్పందిస్తూ, తమ మధ్య ఎలాంటి బంధం లేదని, తాము కేవలం స్నేహితులమే అని చెప్పుకొచ్చారు.
Details
వరుణ్ తేజ్, లావణ్య త్రిపాఠి కలిసి నటించిన సినిమాలు
వరుణ్ తేజ్, లావణ్య త్రిపాఠి కలిసి మిస్టర్, అంతరిక్షం అనే రెండు సినిమాల్లో నటించారు. ఈ రెండు సినిమాల్లో మిస్టర్ డిజాస్టర్ గా నిలిచింది. అంతరిక్షం మాత్రం యావరేజ్ అనిపించుకుంది.
అదలా ఉంచితే ప్రస్తుతం రెండు సినిమాల్లో నటిస్తున్నాడు వరుణ్ తేజ్. ప్రవీణ్ సత్తారు దర్శకత్వంలో గాండీవధారి అర్జున ఒకటైతే, శక్తి ప్రతాప్ సింగ్ హడా దర్శకత్వంలో తన 13వ చిత్రాన్ని చేస్తున్నాడు.
తన 13వ చిత్రంలో ఎయిర్ ఫోర్స్ అధికారిగా వరుణ్ కనిపిస్తున్నాడు.
ఇక లావణ్య త్రిపాఠి విషయానికి వస్తే, ఇటీవల ఆమె నటించిన పులి మేక వెబ్ సిరీస్ జీ5లో రిలీజైంది. ఆది సాయికుమార్ హీరోగా కనిపించిన ఈ చిత్రంలో సీరియల్ కిల్లర్ గా నెగెటివ్ పాత్రలో కనిపించింది లావణ్య.