NBR21: కళ్యాణ్ రామ్‌లో సినిమాలో విజయశాంతి
నందమూరి కళ్యాణ్ రామ్ ఇటీవల బింబిసార సినిమాతో బాక్సాఫీస్ వద్ద కలెక్షన్ల వర్షం కురిపించాడు. త్వరలో 'డెవిల్' సినిమాతో రాబోతున్నాడు. ఆ తర్వాత కళ్యాణ్ రామ్ చేసే 21వ సినిమాని కూడా ఇటీవలే ప్రకటించారు. ఆశోక క్రియేషన్స్, ఎన్టీఆర్ ఆర్ట్స్ బ్యానర్ పై ఈ సినిమాని నిర్మిస్తున్నారు. కళ్యాణ్ రామ్ హీరోగా ప్రదీప్ చిలకూరి ఓ చిత్రాన్ని తెరకెక్కిస్తుండగా, ఇవాళ ఆ సినిమా పూజా కార్యక్రమంతో ప్రారంభమైంది. ఈ కార్యక్రమానికి విజయ శాంతి హజరై ప్రత్యేక ఆకర్షణగా నిలిచారు. ఇందులో ఆమె ఓ కీలక పాత్రలో నటిస్తున్నట్లు తెలిసింది.
చాలా గ్యాప్ తర్వాత కళ్యాణ్ రామ్ చిత్రంలో నటిస్తున్న విజయశాంతి
మహేష్ బాబు సరిలేరు నీకెవ్వరు సినిమాతో రీఎంట్రీ ఇచ్చిన విజయశాంతి మళ్ళీ కొంచెం గ్యాప్ తీసుకొని తాజాగా కళ్యాణ్ రామ్ తో నటిస్తోంది. ఈ సినిమాలో సయీ మంజ్రేకర్ హీరోయిన్‌గా నటించనుంది. ప్రస్తుతం కళ్యాణ్ రామ్ 'డెవిల్' చిత్రంతో బిజిగా ఉన్నాడు. సంయుక్త కథానాయికగా నటిస్తున్న ఈ చిత్రంలో నవీన్ మేడారం దర్శకుడిగా ఇండస్ట్రీకి పరిచయం కానున్నాడు. మరోవైపు ఎన్టీఆర్ హీరోగా తెరకెక్కుతోన్న 'దేవర' సినిమాకు కళ్యాణ్ రామ్ నిర్మాతగా వ్యవహరిస్తున్న విషయం తెలిసిందే
