Vishwambhara :విశ్వంభర టీజర్ వచ్చేసింది.. రెక్కల గుర్రంపై మెగాస్టార్ చిరంజీవి ఏంట్రీ సూపర్బ్
మెగాస్టార్ చిరంజీవి UV క్రియేషన్స్ బ్యానర్‌లో, డైరెక్టర్ వశిష్ఠ దర్శకత్వంలో నటిస్తున్న చిత్రం 'విశ్వంభర'. సినిమా ప్రస్తుతానికి షూటింగ్ చివరి దశలో ఉంది. ఈ సినిమా టైటిల్ గ్లింప్స్, పోస్టర్స్ ఇప్పటికే విడుదల కాగా, దసరా పండుగ సందర్భంగా మేకర్స్ తాజాగా టీజర్‌ను విడుదల చేశారు. టీజర్‌ను చూస్తే, రాక్షసుల లోకం, మరో ప్రపంచం, చిరంజీవి దైవాంశంతో ఉన్న కథాంశం, దుష్టశక్తులను ఎదిరించే శక్తివంతమైన యోధుడిగా ఆయన పాత్ర ఉండనున్నట్టు స్పష్టంగా తెలుస్తోంది. టీజర్ మొత్తం గ్రాఫిక్స్‌తో నిండిన దృశ్యాలు ఆకట్టుకుంటున్నాయి. చిరంజీవి తెల్లని రెక్కల గుర్రం మీద ఊరేగుతూ వచ్చే సన్నివేశం ప్రత్యేక ఆకర్షణగా నిలిచింది.
సంక్రాంతి రేసు నుంచి తప్పుకున్న విశ్వంభర
విశ్వంభర సినిమా సిస్టర్ సెంటిమెంట్‌తో పాటు సోషియో ఫాంటసీ నేపథ్యంలో రూపొందుతుంది. త్రిష, ఆషిక రంగనాథ్ హీరోయిన్లుగా నటిస్తున్నారు. మొదట ఈ చిత్రాన్ని సంక్రాంతి సందర్భంగా విడుదల చేయాలని భావించారు. కానీ 'గేమ్ ఛేంజర్' సినిమాను సంక్రాంతికి వాయిదా వేయడంతో 'విశ్వంభర' విడుదలను కూడా వాయిదా వేశారు.
