War 2: డాల్బీ అట్‌మోస్‌లో విడుదల కానున్న తొలి భారతీయ చిత్రం'వార్ 2'!
ఈ వార్తాకథనం ఏంటి
బాలీవుడ్‌ నటుడు హృతిక్‌ రోషన్‌, తెలుగు హీరో జూనియర్ ఎన్టీఆర్ ప్రధాన పాత్రల్లో నటిస్తున్న 'వార్ 2' సినిమాపై ప్రేక్షకుల్లో భారీ ఉత్కంఠ నెలకొంది. యాక్షన్‌ ఎంటర్‌టైనర్‌గా తెరకెక్కుతున్న ఈ చిత్రం ప్రపంచవ్యాప్తంగా ఆగస్టు 14న థియేటర్లలో విడుదల కానుంది. తాజాగా 'వార్ 2' ఓ ఘనతను తన ఖాతాలో వేసుకుంది. 'వార్ 2' దేశవ్యాప్తంగా అన్ని డాల్బీ అట్‌మోస్‌ థియేటర్లలో విడుదల కాబోతుండగా, భారీ స్థాయిలో డాల్బీ అట్‌మోస్‌ థియేటర్లలో విడుదలయ్యే తొలి భారతీయ చిత్రంగా చరిత్రలో నిలిచింది. ఈ విషయాన్ని చిత్ర బృందం అధికారికంగా ప్రకటించింది. ప్రేక్షకులకు అత్యుత్తమ సౌండ్‌ అనుభవం అందించడమే లక్ష్యంగా ఈ నిర్ణయం తీసుకున్నట్లు వారు వెల్లడించారు.
వివరాలు
భారతీయ సినిమా రంగంలో ఒక కొత్త శకానికి ఇది నాంది: నిర్మాతలు
డాల్బీ అట్‌మోస్‌ సౌండ్‌ టెక్నాలజీ ద్వారా ప్రేక్షకులకు ఓ కొత్త అనుభూతిని ఇవ్వాలన్న ఉద్దేశంతోనే ఇది రూపొందించబడినట్లు నిర్మాతలు తెలిపారు. భారతీయ సినిమా రంగంలో ఒక కొత్త శకానికి ఇది నాంది అని వారు పేర్కొన్నారు. అంతర్జాతీయంగా కూడా ఈ సినిమా అత్యధికంగా డాల్బీ అట్‌మోస్‌ స్క్రీన్లలో ప్రదర్శితమయ్యే భారతీయ చిత్రంగా నిలిచే అవకాశం ఉంది.
వివరాలు
ప్రమోషన్లలో క్రియేటివిటీ..
సినిమా విడుదల సమీపిస్తున్న కొద్దీ అభిమానుల్లో ఉత్కంఠ మరింత పెరుగుతోంది. ఇప్పటికే విడుదలైన పోస్టర్లు, గ్లింప్సులు ప్రేక్షకుల మన్ననలు పొందుతున్నాయి. ఇక ప్రమోషన్ల పరంగా కూడా 'వార్ 2' సరికొత్త ఒరవడిని అనుసరిస్తోంది. ఇటీవల ఓ ఫ్లైట్‌ స్మోక్‌ ద్వారా 'ఎన్టీఆర్' ,'వార్ 2' అనే పదాలను ఆకాశంలో రాసిన వీడియో సోషల్‌ మీడియాలో వైరల్‌గా మారింది. యశ్ రాజ్ ఫిల్మ్స్ బ్యానర్‌పై రూపొందుతున్న ఈ చిత్రం స్పై యూనివర్స్‌లో వచ్చే ఆరో సినిమా కావడం విశేషం. 2019లో విడుదలైన సూపర్‌హిట్‌ చిత్రం 'వార్'కు ఇది సీక్వెల్‌గా తెరకెక్కుతోంది. దర్శకుడు అయాన్‌ ముఖర్జీ ఈ సినిమాకు దర్శకత్వం వహించగా, కియారా అడ్వాణీ కథానాయికగా నటిస్తోంది.
ట్విట్టర్ పోస్ట్ చేయండి
ఆకాశంలో ఎన్టీఆర్ ఆస్ట్రేలియా అభిమాని వార్ 2 ప్రమోషన్
Crazyyy Stuff !!!
— Jmoney (@tweetbyjoey) July 24, 2025
NTR fan promoted his upcoming movie War2 in the skies of Australia #War2 #yashraj #Ntr #HrithikRoshan pic.twitter.com/54VWZePYTx