Satyadev: ఆర్ఆర్ఆర్‌లో పనిచేశా.. కానీ నా సీన్లను తొలగించారు : సత్యదేవ్
ఈ వార్తాకథనం ఏంటి
'సత్యదేవ్' గురించి ప్రత్యేకంగా చెప్పనక్కర్లేదు. కెరీర్ ప్రారంభంలో క్యారెక్టర్ ఆర్టిస్ట్‌గా చేసిన సత్యదేవ్, హీరోగా మారి తన ప్రతిభను నిరూపించుకున్నాడు.
టాలీవుడ్ లో జ్యోతి లక్ష్మి, తిమ్మరుసు, గువ గోరింక, గుర్తుందా శీతాకాలం, కృష్ణమ్మ వంటి సినిమాలతో హీరోగా మంచి గుర్తింపు తెచ్చుకున్నాడు.
మెగాస్టార్ చిరంజీవి 'గాడ్ ఫాదర్' సినిమాలో విలన్ పాత్రలో నటించి విమర్శకుల ప్రశంసలను అందుకున్నాడు.
అయితే సత్యదేవ్ 'ఆర్ఆర్ఆర్' లో నటించానని ఇటీవల ఓ ఇంటర్వ్యూలో పేర్కొన్నారు. అయితే కొన్ని అనివార్య కారణాల వల్ల ఆ సినిమాలో తన సీన్లు ఎడిటింగ్‌లో తొలగించారన్నారు.
Details
పది రోజులు నటించా : సత్యదేవ్
దాదాపు 10 రోజులు పాటు ఆర్ఆర్ఆర్ లో నటించానని, కానీ తనకు సంబంధించిన 16 నిమిషాల సీన్లను ఎడిటింగ్‌లో తీసేశారని, ఈ విషయం ఇప్పటి వరకు చెప్పలేదన్నారు.
కానీ ఆ పది రోజులను తాను ఎప్పటికీ మార్చిపోలేనని పేర్కొన్నారు. ఇప్పుడు సత్యదేవ్, డాలీ ధనంజయ హీరోలుగా 'జీబ్రా' అనే పాన్ ఇండియా చిత్రంలో నటిస్తున్నారు.
ప్రియా భవానీ శంకర్, జెన్నిఫర్ పిసినాటో కథానాయికలుగా కనిపించనున్న ఈ సినిమా నవంబర్ 22న విడుదల కానుంది.