IMA On Doctors Safety: భారతదేశంలో నైట్ షిఫ్ట్‌లో 35% మంది వైద్యులు అసురక్షితం.. ఐఎంఏ అధ్యయనంలో కీలక విషయాలు..
భారతదేశంలో నైట్ షిఫ్ట్ డ్యూటీ చేస్తున్న డాక్టర్లలో మూడింట ఒక వంతు మంది అసురక్షితంగా భావిస్తున్నారు.వారిలో ఎక్కువ మంది మహిళలు ఉన్నారు. ఐఎంఏ చేసిన అధ్యయనంలో ఈ విషయం వెలుగులోకి వచ్చింది. 3,885 వ్యక్తిగత ప్రతిస్పందనల ఆధారంగా ఈ అంశంపై భారతదేశం అతిపెద్ద అధ్యయనం అని IMA పేర్కొంది. కొంతమంది వైద్యులు తమ రక్షణ కోసం తమ వద్ద ఆయుధాలను ఉంచుకోవాలని భావిస్తున్నారని చెప్పబడింది. కోల్‌కతాలో ట్రైనీ హత్యాచారానికి గురైన నేపథ్యంలో వైద్యుల మధ్య రాత్రి షిఫ్ట్‌ల సమయంలో భద్రతా సమస్యలను అంచనా వేయడానికి ఇండియన్ మెడికల్ అసోసియేషన్ (IMA)ఇటీవల ఆన్‌లైన్ సర్వే నిర్వహించింది. ఈ సర్వేలో 45శాతం మంది డాక్టర్లకు నైట్ షిఫ్ట్ సమయంలో డ్యూటీ రూమ్ అందుబాటులో లేరని తేలింది.
డ్యూటీ రూమ్‌లలో అటాచ్డ్ బాత్‌రూమ్‌లు లేవు
సర్వేలో 22 రాష్ట్రాల నుండి ప్రతివాదులు ఉన్నారు, వీరిలో 85 శాతం మంది 35 సంవత్సరాల కంటే తక్కువ వయస్సు ఉన్నవారు కాగా, 61 శాతం మంది ఇంటర్న్‌లు లేదా పోస్ట్ గ్రాడ్యుయేట్ ట్రైనీలు. 20-30 సంవత్సరాల వయస్సు గల వైద్యులు అత్యంత తక్కువ భద్రతా భావాన్ని కలిగి ఉంటారు. ఈ సమూహంలో ఎక్కువగా ట్రైనీలు, పోస్ట్ గ్రాడ్యుయేట్‌లు ఉన్నారు. అధిక రద్దీ, గోప్యత లేకపోవడం, తాళాలు లేకపోవడం వల్ల డ్యూటీ రూమ్‌లు తరచుగా సరిపోవని సర్వేలో తేలింది. దీని కారణంగా వైద్యులు ప్రత్యామ్నాయ స్థలాలను కనుగొనవలసి వచ్చింది. అందుబాటులో ఉన్న డ్యూటీ రూమ్‌లలో మూడింట ఒక వంతుకు అటాచ్డ్ బాత్‌రూమ్‌లు లేవు.
రాష్ట్రపతి కూడా అసంతృప్తి వ్యక్తం చేశారు
కోల్‌కతాలోని ఆర్‌జి కర్ మెడికల్ కాలేజీలో డాక్టర్‌పై హత్యాచారం ఘటనతో దేశవ్యాప్తంగా ఆగ్రహ వాతావరణం నెలకొంది. ఈ ఘటనపై రాష్ట్రపతి ద్రౌపది ముర్ము స్పందించారు. కోల్‌కతాలో విద్యార్థులు, వైద్యులు, పౌరులు నిరసనలు తెలుపుతున్నారని, నేరస్థులు మాత్రం స్వేచ్ఛగా తిరుగుతున్నారని ఆమె ఆవేదన వ్యక్తం చేశారు. ఈ సంఘటనతో తాను నిరాశ, భయాందోళనకు గురయ్యాను' అని అన్నారు. మహిళలపై నేరాలను అరికట్టాలన్న రాష్ట్రపతి 'చాలు చాలు, ఇప్పటికైనా భారతదేశంలో మహిళలపై జరిగే నేరాలకు వ్యతిరేకంగా పోరాడాల్సిన సమయం ఆసన్నమైందని అన్నారు.
