మణిపూర్ అల్లర్లు : 53 మంది సీబీఐ అధికారుల కేటాయింపు
ఈ వార్తాకథనం ఏంటి
మణిపూర్ రాష్ట్రానికి 53 మంది కేంద్ర దర్యాప్తు బృందం అధికారులను, సీబీఐ(CBI) కేటాయించింది. మారణకాండకు సంబంధించిన కేసులను విచారించేందుకు ఈ నియామకాలను చేపట్టినట్లు ఆ సంస్థ వెల్లడించింది.
ఈ మేరకు దేశవ్యాప్తంగా పలు ప్రాంతాల నుంచి 53 మంది అధికారులను సీబీఐ నియమించింది. బృందంలో 29 మంది మహిళలు ఉండటం గమనార్హం.
బృందంలో ముగ్గురు డీఐజీ స్థాయి అధికారులు లవ్లీ కతియార్, నిర్మలా దేవి, మోహిత్ గుప్తా ఉన్నారు.
ఎస్పీ స్థాయి అధికారి రాజ్‌వీర్‌లతో కూడిన టీమ్ జాయింట్ డైరెక్టర్(జేడీ) ఘనశ్యామ్ ఉపాధ్యాయ్‌కు నివేదికలు సమర్పిస్తారని వివరించింది.
ఇద్దరు అదనపు ఎస్పీలు, ఆరుగురు డీఎస్పీలు అంతా మహిళలే కావడం విశేషం. 16 మంది ఇన్‌స్పెక్టర్లు,10 మంది ఎస్సైలతో సీబీఐ బృందాన్ని ఏర్పాటు చేసింది.
DETAILS
దర్యాప్తులో స్థానిక పోలీసుల పాత్రను తగ్గించాం : సీబీఐ
మరోవైపు భారీ స్థాయిలో మహిళా అధికారులను నియమించడం, ఏకకాలంలో విచారణ జరపడం ఇదే మొదటిసారిగా తెలుస్తోంది.
అధిక శాతం కేసులు షెడ్యూల్డ్ కులాలు, షెడ్యూల్డ్ తెగల (అత్యాచారాల నిరోధక) చట్టానికి సంబంధించినవేనని సమాచారం.
దర్యాప్తులో పక్షపాతానికి తావులేకుండా లోకల్ పోలీసుల పాత్రను తగ్గించినట్లు సీబీఐ తెలిపింది. ఈశాన్య రాష్ట్రంలోని హింసాకాండపై సీబీఐ ఇప్పటికే 8 కేసులు రిజిస్టర్ చేసింది.
మే 4న ఓ అల్లరిమూక మహిళలను వివస్త్రను చేసిన ఘటనపై 9 కేసులను దర్యాప్తు చేసేందుకు సీబీఐ రంగం సిద్ధం చేసింది. ఈ క్రమంలోనే మొత్తం సీబీఐ విచారించే కేసుల సంఖ్య 17కు చేరింది.
చురచంద్‌పూర్ జిల్లాలో జరిగిన లైంగిక వేధింపుల కేసునూ కేంద్ర దర్యాప్తు సంస్థ(CBI) స్వీకరించనున్నట్లు అధికార వర్గాల భావిస్తున్నాయి.