Madhya pradesh: మధ్యప్రదేశ్ బస్సులో మంటలు..13 మంది మృతి..మరో 17 మందికి గాయాలు
మధ్యప్రదేశ్‌లోని గుణాలో బుధవారం రాత్రి జరిగిన ప్రమాదంలో బస్సులో మంటలు చెలరేగడంతో కనీసం 13 మంది మరణించారు. గుణ-ఆరోన్ రహదారిపై డంపర్‌ను ఎదురుగా వస్తున్న ప్రైవేట్ బస్సు ఢీకొన్న ఈ ప్రమాదంలో మరో 17 మంది గాయపడ్డారు. గాయపడిన వారిని సమీపంలోని ఆసుపత్రులకు తరలించారు. గుణ జిల్లా కలెక్టర్ తరుణ్ రాఠీ 13 మంది మరణించినట్లు తెలిపారు. ప్రస్తుతం జిల్లా ఆసుపత్రిలో గాయపడిన 17 మంది చికిత్స పొందుతున్నట్లు తెలిపారు.
ప్రమాద ఘటనపై విచారణకు సీఎం ఆదేశం
మంటల్లో మృతదేహాలు గుర్తుపట్టలేనంతగా కాలిపోయాయని, వాటిని గుర్తించేందుకు డీఎన్‌ఏ పరీక్ష నిర్వహించనున్నారు. ప్రమాద స్థలం నుండి అన్ని మృతదేహాలను తొలగించామని, మాదానికి కారణాన్ని కనుగొనడానికి దర్యాప్తు చేస్తున్నామని కలెక్టర్ చెప్పారు. మధ్యప్రదేశ్ ముఖ్యమంత్రి మోహన్ యాదవ్ (Mohan Yadav)ఘటనపై విచారణకు ఆదేశించారు. మృతుల కుటుంబాలకు ఒక్కొక్కరికి రూ.4 లక్షలు, గాయపడిన వారికి రూ.50,000 సహాయం ప్రకటించారు.
