రాజస్థాన్ లో రాక్షస వివాహం.. బహిరంగంగానే యువతి కిడ్నాప్
భారతదేశం
రాజస్థాన్ లో రాక్షస వివాహం.. బహిరంగంగానే యువతి కిడ్నాప్
వ్రాసిన వారు
TEJAVYAS BESTHA
June 06, 2023 | 06:46 pm
రాజస్థాన్‌లోని జైసల్మేర్ లో దారుణం చోటుచేసుకుంది. ఈ ఘటనకు సంబంధించిన వీడియో నెట్టింట సంచలనంగా మారింది. ఒక దశలో రాజకీయ వర్గాలను, ప్రభుత్వాలనే షేక్ చేస్తోంది. ఈ వీడియోను దిల్లీ మహిళా కమిషన్ ఛైర్‌ పర్సన్ స్వాతి మలివాల్ సోషల్ మీడియాలో షేర్ కూడా చేశారు. దాంట్లో ఓ వ్యక్తి బలవంతంగా పెళ్లి చేసుకుంటున్నాడు. తొలుత సదరు మహిళను ఎత్తుకెళ్లి, ఆపై బలవంతంగా బహిరంగంగానే వివాహం చేసుకున్నాడు. ఆ యువతిని తన ఒడిలోకి తీసుకుని కాలుతున్న గడ్డి చుట్టూ ప్రదక్షిణలు చేయడం వీడియోలో చూడొచ్చు. వెంటనే ఈ ఘటనపై కఠిన చర్యలు తీసుకోవాలని స్వాతి మలివాల్ రాజస్థాన్ సర్కారును కోరారు.
