#NewsBytesExplainer: పహల్గామ్ ఉగ్రవాద దాడి తర్వాత, పాకిస్తాన్ భారతదేశంపై సైబర్ యుద్ధం ఎలా చేస్తోందో తెలుసా?
ఈ వార్తాకథనం ఏంటి
కాశ్మీర్లోని పుల్వామాలో జరిగిన ఉగ్రవాద దాడి తర్వాత భారత్-పాకిస్థాన్ సరిహద్దుల్లో యుద్ధ పరిస్థితులు తీవ్రమయ్యాయి.
సరిహద్దు నియంత్రణ రేఖ వద్ద భారత్ వైపు నుండి ఎలాంటి ప్రతిచర్యలు లేకపోయినా, పాకిస్తాన్ సైనికులు కాల్పులు కొనసాగిస్తున్నారు.
ఈ పరిస్థితిపై భారత్ తీవ్ర నిరసనను వ్యక్తం చేసింది. ఇంతలో, యుద్ధ పరిస్థితులు ఏర్పడితే ఎలా నిర్వహించాలో ఇరు దేశాల సైనికాధికారులు ప్రణాళికలు రూపొందిస్తున్నారు.
ఇంతలో భారత్-పాకిస్తాన్ మధ్య సైబర్ యుద్ధం మొదలైంది.
ఇరు దేశాల ప్రభుత్వ వెబ్సైట్లు,డిజిటల్ మౌలిక సదుపాయాలను లక్ష్యంగా చేసుకుని హ్యాకర్లు దాడులు చేస్తున్నారు.
స్థానిక హ్యాకర్లతో పాటు విదేశీ సైబర్ నేరస్థులు కూడా ఈ దాడుల్లో పాల్గొంటున్నట్లు సమాచారం. అయితే ఈ దాడుల వివరాలను ఇరు దేశాలు బహిర్గతం చేయడానికి నిరాకరిస్తున్నాయి.
వివరాలు
పాకిస్తాన్ వైపున 'టీమ్ ఇన్సేన్ పాక్' గ్రూప్
ఈ సంక్షోభ సమయంలో హ్యాకర్లు తమ డిజిటల్ పద్ధతులను వాణిజ్యపరంగా ఉపయోగించుకుంటున్నారు.
పుల్వామా దాడి తర్వాత ఇరు దేశాల మధ్య ఉద్రిక్తత సైబర్ స్పేస్ వరకు విస్తరించింది.
ఫలితంగా ఇరు వైపుల హ్యాకర్ సమూహాలు వెబ్సైట్లను డిఫేస్ చేయడం, సున్నితమైన డేటాను దొంగిలించడం వంటి చర్యల్లో నిమగ్నమయ్యాయి.
భారత్ వైపున'ఇండియన్ సైబర్ ఫోర్స్'అనే హ్యాక్టివిస్ట్ గ్రూప్ పాకిస్తాన్ ప్రభుత్వ,ప్రైవేట్ సంస్థల డేటాబేస్లను లక్ష్యంగా చేసింది.
దీనికి ప్రతిగా పాకిస్తాన్ వైపున 'టీమ్ ఇన్సేన్ పాక్' అనే గ్రూప్ భారత సైనిక నర్సింగ్ కాలేజ్ వెబ్సైట్ను హ్యాక్ చేసి ప్రచార సందేశాలను పోస్ట్ చేసింది.
గత వారంలో పాకిస్తాన్ నుండి వచ్చిన సైబర్ దాడులను భారత్ విజయవంతంగా నిరోధించిందని సైబర్ సెక్యూరిటీ అధికారులు తెలిపారు.
వివరాలు
డిజిటల్ యుద్ధం మరింత విస్తృతమయ్యే అవకాశాలు
ఈ పరిస్థితుల్లో యుద్ధం ప్రారంభం కాకముందే సైబర్ యుద్ధం తీవ్రతరమైందని స్పష్టమవుతోంది.
ఇరు దేశాల మధ్య ఈ డిజిటల్ యుద్ధం మరింత విస్తృతమయ్యే అవకాశాలు ఉన్నాయి.
సైబర్ భద్రతా పరిజ్ఞానాన్ని మరింత బలోపేతం చేయాల్సిన అవసరం ఈ సంఘటనల ద్వారా మనకు తెలుస్తోంది.