Amazon: తెలంగాణలో భారీ పెట్టుబడికి ముందుకు వచ్చిన దిగ్గజ సంస్థ అమెజాన్‌
ఈ వార్తాకథనం ఏంటి
తెలంగాణలో భారీ పెట్టుబడికి అమెజాన్‌ (Amazon) ముందుకు వచ్చింది. దావోస్‌లో అమెజాన్‌ వెబ్‌సర్వీసెస్‌ గ్లోబల్‌ పబ్లిక్‌ పాలసీ వైస్‌ ప్రెసిడెంట్‌ మైకేల్‌తో ముఖ్యమంత్రి రేవంత్‌ రెడ్డి భేటీ అయ్యారు. రూ.60,000 కోట్ల పెట్టుబడి పెట్టేందుకు అమెజాన్‌ అంగీకారం తెలిపింది. ఈ ఒప్పందం ప్రకారం, తెలంగాణ ప్రభుత్వంతో అమెజాన్‌ సహకార ఒప్పందం జరిగింది. ఈ పెట్టుబడితో అమెజాన్‌ రాష్ట్రంలో డేటా సెంటర్లను విస్తరించనుంది. వీటి కోసం అవసరమైన భూమిని కేటాయించేందుకు రాష్ట్ర ప్రభుత్వం సమ్మతి తెలిపింది.
వివరాలు
17,000 కొత్త ఉద్యోగ అవకాశాలు
అదే సమయంలో, ఇన్ఫోసిస్‌ సీఎఫ్‌వో సంగ్రాజ్‌తో తెలంగాణ ఐటీ మంత్రి శ్రీధర్‌బాబు సమావేశమయ్యారు. పోచారంలో ఐటీ క్యాంపస్‌ను విస్తరించేందుకు ఇన్ఫోసిస్‌ అంగీకారం తెలిపింది. మొదటి దశలో రూ.750 కోట్ల పెట్టుబడి పెట్టాలని ఆ సంస్థ స్పష్టం చేసింది. ఈ విస్తరణ ద్వారా 17,000 కొత్త ఉద్యోగ అవకాశాలు లభించనున్నట్లు అధికార వర్గాలు వెల్లడించాయి.