Bihar Bridge Collapse : బీహార్లో కూలిన మరో వంతెన.. మూడు వారాల్లో 13వ ప్రమాదం
బిహార్ సహర్సాలో, మహిషి బ్లాక్లోని 17వ నంబర్ రోడ్డులోని సర్దిహా చౌక్ నుండి బల్లియా సిమర్, కుందా వరకు ఉన్న వంతెన కూలిపోయింది. దీంతో బల్లియా, సిమర్, కుందాతో పాటు పలు గ్రామాలకు రాకపోకలు నిలిచిపోయాయి. అదే సమయంలో, జిల్లా ప్రధాన కార్యాలయం, బ్లాక్ హెడ్ క్వార్టర్స్తో ఈ ప్రాంతానికి ఉన్న పరిచయం కూడా కోల్పోయింది. వరద నీటి ఉధృతికి ఈ కల్వర్టు కూలిపోయింది. ఈ ఘటనకు సంబంధించి సహర్సా అదనపు కలెక్టర్ జ్యోతి కుమార్ మాట్లాడుతూ.. వరదల కారణంగా ఇక్కడ ఉన్న చిన్న కల్వర్టు కూలిపోయిందని తెలిపారు. ఘటనాస్థలికి చేరుకున్న జిల్లా యంత్రాంగం ఘటనాస్థలిని పరిశీలించింది.ఎంత నష్టం వాటిల్లిందని అంచనా వేస్తున్నారు.అంతేకాకుండా కల్వర్టు కూలిపోవడానికి గల కారణాలపై కూడా సమాచారం సేకరిస్తున్నారు.