'నిర్భయ'ను తలపించే మరో ఘటన.. మైనర్‌పై గ్యాంగ్ రేప్.. ఒళ్లంతా పంటి గాట్లే
ఈ వార్తాకథనం ఏంటి
నిర్భయ ఘటన తరహాలో మధ్యప్రదేశ్‌లో దారుణం చోటు చేసుకుంది. 12 ఏళ్ల బాలికపై ఇద్దరు కామాంధులు సామూహిక అత్యాచారానికి పాల్పడ్డారు. ఒళ్లంతా పంటి గాట్లతో గాయాలు చేసి, ఆమె ప్రైవేటు భాగాల్లో కర్రను చొప్పించి రాక్షసంగా ప్రవర్తించారు.
గాయాలతో అడవిలో రక్తపుమడుగులో దొరికిన ఆ చిన్నారి ఇప్పుడు ఆస్పత్రిలో చావుబతుకుల మధ్య కొట్టుమిట్టాడుతోంది.
మధ్యప్రదేశ్‌లోని సత్నా జిల్లా మైహర్ టౌన్‌లోని ప్రఖ్యాత శారదా దేవి గుడికి సమీపంలోని అడివిలో గురువారం రాత్రి ఈ దారుణం జరిగింది.
12 ఏళ్ల బాలికను ఆలయ ట్రస్టులో పనిచేస్తున్న ఇద్దరు మభ్యపెట్టి నిర్మానుష్య ప్రదేశానికి తీసుకెళ్లారు. అనంతరం ఆమెపై రాక్షసంగా ప్రవర్తించి, ఉన్మాదాన్ని చాటుకున్నారు.
Details
బాధిత కుటుంబాన్ని ఆదుకోవాలి : మధ్యప్రదేశ్ మాజీ సీఎం
తీవ్ర రక్తస్రావంతో పడి ఉన్న బాలికను ప్రాథమిక చికిత్స అనంతరం రేవాలోని ఆస్ప్రతికి పోలీసులు తరలించారు. తమ ఉద్యోగులు ఆలయ ప్రతిష్టకు భంగం కలిగించినందుకు వారిని విధుల్లోని తొలగిస్తున్నట్లు ఆలయ కమిటీ పేర్కొంది.
విషయం తెలుసుకున్న స్థానికులు పెద్ద ఆస్పత్రి వద్దకు చేరుకొని నిందితులను కఠినంగా శిక్షించాలని పోలీసులతో వాగ్వివాదానికి దిగారు.
మధ్యప్రదేశ్ లో ఆడపిల్లలకు రక్షణ కరువైందని మధ్యప్రదేశ్ మాజీ ముఖ్యమంత్రి కమల్ నాథ్ విమర్శించారు. బాలికకు మెరుగైన చికిత్స అందించి బాధిత కుటుంబానికి రూ. కోటి ఆర్థిక సాయం అందించాలని ఆయన డిమాండ్ చేశారు.
Details
ఉత్తరాఖండ్ లో భార్యను పూడ్చిపెట్టిన భర్త
ఉత్తరాఖండ్‌లో భార్యను హత్య చేసి భర్త పూడ్చిన ఘటన ఆలస్యంగా వెలుగులోకి వచ్చింది. ఉత్తరాఖండ్ లోని రుద్రపుర్ లో రెండు నెలల క్రితం ఈ ఘటన జరిగింది. నిందితుడు సంతోష్ కుమార్ రెండు నెలల క్రితం తన భార్యను హతమార్చాడు.
తర్వాత తన 17 ఏళ్ల కుమారుడిని చిత్రహింసలకు గురి చేయడంతో బాలుడు పోలీసులు ఫిర్యాదు చేశాడు. అప్పుడే అసలు విషయం బయటికొచ్చింది.
నిందితుడికి భార్యపై అనుమానం ఉండడం వల్లే ఆమెను హతమార్చి ఉంటాడని పోలీసులు భావిస్తున్నారు.