Andhrapradesh: రాజధాని అమరావతిలో చేపట్టాల్సిన పనులకు ఆమోదం.. ఉత్తర్వులు జారీ చేసిన రాష్ట్ర ప్రభుత్వం
ఈ వార్తాకథనం ఏంటి
ఆంధ్రప్రదేశ్ రాజధాని అమరావతి అభివృద్ధి కోసం చేపట్టాల్సిన పనులకు రాష్ట్ర ప్రభుత్వం ఆమోదం తెలియజేస్తూ ఉత్తర్వులు జారీ చేసింది.
సీఆర్డీఏ ఆమోదించిన 20 సివిల్ పనులకు సంబంధించి రూ.11,467 కోట్ల వ్యయంతో ఈ ప్రాజెక్టులను నిర్వహించేందుకు ప్రభుత్వం చర్యలు చేపట్టింది.
ప్రపంచ బ్యాంకు, ఆసియా అభివృద్ధి బ్యాంకుల నుంచి రుణం పొందేందుకు కార్యాచరణ సిద్ధమైంది.
గెజిటెడ్, నాన్-గెజిటెడ్ అధికారుల నివాస అపార్ట్‌మెంట్లు, ఐఏఎస్ అధికారులు, ఎమ్మెల్యేలు, ఎమ్మెల్సీల నివాసాల నిర్మాణానికి నిధులు విడుదల చేయడంపై ప్రభుత్వం ఆమోదం తెలిపింది.
న్యాయమూర్తులు,మంత్రులు సీనియర్ ఐఏఎస్ అధికారుల కోసం బంగ్లాల నిర్మాణానికి నిధులు కేటాయించింది.
సచివాలయ టవర్లు,అసెంబ్లీ వంటి ప్రభుత్వ కాంప్లెక్స్ నిర్మాణాలు,అలాగే రాజధాని పరిధిలో మౌలిక సదుపాయాల అభివృద్ధి కోసం ఈ నిధులను ఉపయోగించనుంది.
వివరాలు
నీరుకొండ వద్ద రిజర్వాయర్ నిర్మాణం కోసం సీఆర్డీఏ రూ. 1585 కోట్లు
ఇంకా, హ్యాపీనెస్ట్ ప్రాజెక్టు కింద 12 టవర్లతో 1200 అపార్ట్‌మెంట్ల నిర్మాణానికి రూ. 984 కోట్లు కేటాయించబడింది.
కొండవీటి వాగు, పాలవాగు వెడల్పు చేయడం, శాఖమూరు, నీరుకొండ వద్ద రిజర్వాయర్ నిర్మాణం కోసం సీఆర్డీఏ రూ. 1585 కోట్లు వెచ్చించనుంది.
అలాగే, రాజధాని పరిధిలో వరద నీటి కాలువలు, డ్రెయిన్లు, నీటి సరఫరా నెట్‌వర్క్, సీవరేజీ, యుటిలిటీ డక్టులు, పాదచారుల బాట, సైకిల్ ట్రాక్‌ల ఏర్పాటు కోసం నిధులను వెచ్చించేందుకు ప్రభుత్వం నిర్ణయం తీసుకుంది.