అసెంబ్లీ ఎన్నికలు: త్రిపురలో ముగిసిన ప్రచారం పర్వం, గురువారం పోలింగ్
ఈ వార్తాకథనం ఏంటి
త్రిపురలో నెల రోజులుగా హోరాహోరీగా సాగిన అసెంబ్లీ ఎన్నికల ప్రచారం మంగళవారం ముగిసింది. 8 జిల్లాల్లోని మొత్తం 60 అసెంబ్లీ నియోజకవర్గాల్లో ఫిబ్రవరి 16న పోలింగ్ జరగనుంది. కేంద్ర సాయుధ పోలీసు బలగాలు, త్రిపుర స్టేట్ రైఫిల్స్, రాష్ట్ర పోలీసు సిబ్బందితో భారీ భద్రత నడుమ పోలింగ్ జరగనుంది.
3,327 పోలింగ్ స్టేషన్లలో దాదాపు 31,000 మంది సిబ్బంది విధులు నిర్వహించనున్నారు.
అసెంబ్లీ ఎన్నికల్లో 31మంది మహిళలు సహా మొత్తం 259 మంది అభ్యర్థులు పోటీ చేస్తున్నట్టు త్రిపుర చీఫ్ ఎలక్టోరల్ ఆఫీసర్ (సీఈవో) గిత్తె కిరణ్‌కుమార్ దినకరరావు తెలిపారు.
2018 అసెంబ్లీ ఎన్నికల్లో 24 మంది మహిళలు సహా 297 మంది అభ్యర్థులు ఎన్నికల్లో పోటీ చేశారు.
అసెంబ్లీ ఎన్నికలు
త్రిపురలో మొదటిసారిగా కాంగ్రెస్-సీపీఎం జట్టు
పోలింగ్ రోజన ఎలాంటి అవాంఛనీయ సంఘటనలు జరగకుండా కేంద్ర సాయుధ బలగాలు(సీఏపీఎఫ్) 400 కంపెనీలను తరలిస్తున్నట్లు సీనియర్ పోలీసు అధికారి ఒకరు తెలిపారు. 9వేల మంది త్రిపుర స్టేట్ రైఫిల్స్, 6మందికి పైగా త్రిపుర పోలీసులను కూడా మోహరించినట్లు వెల్లడించారు.
త్రిపురలో మొదటిసారిగా కాంగ్రెస్-సీపీఎం నేతృత్వంలోని లెఫ్ట్ ఫ్రంట్ మొదటిసారిగా కూటమిగా ఎన్నిక బరిలోకి దిగుతున్నాయి. లెఫ్ట్‌ఫ్రంట్ 47 స్థానాల్లో అభ్యర్థులను నిలబెట్టగా, కాంగ్రెస్‌కు 13 సీట్లు కేటాయించింది.
అధికార బీజేపీ మిత్రపక్షాలకు ఐదు సీట్లు ఇచ్చి 55 స్థానాల్లో తమ అభ్యర్థులను నిలబెడుతోంది.
ఎన్నికల ప్రచారంలో బీజేపీ తరఫున హేమాహేమీలు ప్రచారం నిర్వహించారు. ప్రధానమంత్రి నరేంద్ర మోడీ దక్షిణ, ఉత్తర మరియు పశ్చిమ త్రిపురలో మూడు ఎన్నికల ర్యాలీల్లో పాల్గొన్నారు.