మహిళా రిజర్వేషన్ బిల్లు: రేపు కవిత ఆధ్వర్యంలో రౌండ్ టేబుల్ సమావేశం
ఈ వార్తాకథనం ఏంటి
పార్లమెంటు సమావేశాల్లో మహిళా రిజర్వేషన్ బిల్లును ప్రవేశపెట్టాలని డిమాండ్ చేస్తూ భారత్ జాగృతి బుధవారం దిల్లీలోని రౌండ్ టేబుల్ సమావేశం నిర్వహించనుంది.
దిల్లీలోని హోటల్ లీ మెరిడియన్‌లో మధ్యాహ్నం 3 గంటల నుంచి 5గంటల మధ్య రౌండ్‌టేబుల్‌ సమావేశం బీఆర్‌ఎస్‌ ఎమ్మెల్సీ కె.కవిత అధ్యక్షతన జరగనుంది.
వివిధ రాజకీయ పార్టీలు, పౌర సంఘాలు, మహిళా సంఘాలు, ఇతర జాతీయ సంస్థల ప్రతినిధులు రౌండ్ టేబుల్ సమావేశంలో పాల్గొననున్నారు.
కవిత
జంతర్ మంతర్ వద్ద నిరాహారదీక్షకు మంచి స్పందన
చాలా కాలంగా పెండింగ్‌లో ఉన్న మహిళా రిజర్వేషన్ బిల్లును ఆమోదించాలని కోరుతూ మార్చి 10న జంతర్ మంతర్ వద్ద నిరాహారదీక్ష నిర్వహించిన భారత్ జాగృతి దేశం దృష్టిని ఆకర్షించింది.
పౌర, మహిళా సంఘాలతో పాటు దాదాపు 12 ప్రతిపక్ష పార్టీలు కవిత ఆధ్వర్యంలో చేపట్టిన దీక్షకు మద్దుత తెలిపాయి.
మహిళా రిజర్వేషన్ బిల్లు సాధనకు కలిసికట్టుగా పోరాడతామని ఈ సందర్భంగా ప్రతినబూనారు.