Bhu Bharati: వారసత్వ భూ బదిలీకి ఆన్లైన్‌లో దరఖాస్తు ప్రక్రియ.. చట్టంలోని అంశాల ఆధారంగా ఐచ్ఛికాలు
ఈ వార్తాకథనం ఏంటి
కొత్త రెవెన్యూ చట్టం 'భూ భారతి' వీలైనంత త్వరగా అమలులోకి తెచ్చేందుకు తెలంగాణ రెవెన్యూశాఖ కృషి చేస్తోంది.
ఈ కొత్త చట్టం జనవరి 9న అమలులోకి వచ్చింది.
అమలు విధానాలను రూపొందించడంతో పాటు, రెవెన్యూశాఖ ముఖ్య కార్యదర్శి నవీన్ మిత్తల్ ఆధ్వర్యంలో సాఫ్ట్‌వేర్ నిపుణులు దీనికి సాంకేతిక రూపం ఇస్తున్నారు.
మండల స్థాయి నుంచి భూ పరిపాలన ప్రధాన కమిషనర్ వరకు అవసరమైన అన్ని అంశాలను సాఫ్ట్‌వేర్‌లో అనుసంధానిస్తున్నారు.
చట్టానికి సంబంధించిన అంశాలను న్యాయనిపుణుడు సునీల్ పర్యవేక్షిస్తున్నారు. ధరణిలోని 33 మాడ్యూళ్లను ఆరు మాడ్యూళ్లుగా కుదించి, కొత్త ఐచ్ఛికాలను జోడిస్తున్నారు.
వివరాలు
కొత్తగా ఆన్లైన్‌లో అందుబాటులోకి వచ్చే సేవలు
భూ సమస్యలు, మ్యుటేషన్లపై ఆర్డీవో, కలెక్టర్లకు అప్పీలు చేసే అవకాశం.
నిర్దిష్ట సమయంలో మ్యుటేషన్ పూర్తికాకపోతే, స్వయంచాలకంగా పూర్తయ్యే విధంగా సాంకేతిక మార్పులు.
పహాణీలో నిరంతరం నవీకరణ చేయడానికి, పట్టాదారు పేరు మాత్రమే కాకుండా ఇతర వివరాలను కూడా నమోదు చేసుకునే వెసులుబాటు.
పార్ట్-బి కింద ఉన్న వారికీ యాజమాన్య హక్కులు కల్పించే విధంగా మార్పులు.
దరఖాస్తుల సమర్పణ, విచారణ నివేదికలు, అప్పీలు తదితర సౌకర్యాలను అందుబాటులోకి తేవడం.
దరఖాస్తు చేసుకున్నా, లేకపోయినా, ప్రభుత్వమే ఎసైన్డ్ మరియు లావుణీ పట్టాదారులకు పూర్తిస్థాయి హక్కులు జారీ చేసే విధంగా ఐచ్ఛికం ఏర్పాటు.
వివరాలు
భూ భారతి చట్టంపై అవగాహన కోసం సెమినార్
ప్రస్తుతం ధరణిలో ఉన్న 45 రకాల భూ సమస్యలకు కొత్త చట్టం పరిష్కారం అందించనుంది.
తహసీల్దార్లు మండల స్థాయిలో నమోదు చేసిన వివరాలను జిల్లా స్థాయిలో కలెక్టర్ సమీక్షిస్తారు.
అక్కడ పరిష్కారం లేకపోతే, ల్యాండ్ ట్రైబ్యునల్ లేదా CCLAకు ఆన్లైన్ ద్వారా అప్పీల్ చేసే అవకాశం ఉంటుంది.
రాష్ట్ర ప్రభుత్వం తీసుకొచ్చిన భూ భారతి చట్టంపై ప్రజలకు అవగాహన కల్పించేందుకు రెవెన్యూశాఖ మంత్రి పొంగులేటి శ్రీనివాస రెడ్డి సెమినార్లు నిర్వహించాలని నిర్ణయించారు.
ఈ క్రమంలో, ఫిబ్రవరి 17, 18వ తేదీల్లో హైదరాబాద్‌లో తొలి సెమినార్ నిర్వహించనున్నారు.
ఇందులో ROR-2020, ధరణి స్థానంలో వచ్చిన కొత్త చట్టం ROR-2025, భూ భారతి గురించి పవర్‌పాయింట్ ప్రజంటేషన్ ఇవ్వనున్నారు.