Pramod Yadav: దుండగుల కాల్పుల్లో బీజేపీ నేత ప్రమోద్ యాదవ్ మృతి
ఉత్తర్‌ప్రదేశ్‌లోని జౌన్‌పూర్‌లో భారతీయ జనతా పార్టీ నేత ప్రమోద్ యాదవ్‌పై దుండగులు కాల్పులు జరిపారు. అయన ఆస్పత్రిలో చికిత్స పొందుతూ మృతి చెందాడు. ప్రమోద్ యాదవ్ 2012 అసెంబ్లీ ఎన్నికల్లో బీజేపీ టిక్కెట్‌పై జౌన్‌పూర్‌లోని మల్హానీ స్థానం నుంచి ధనంజయ్ సింగ్ భార్య జాగృతి సింగ్‌పై పోటీ చేశారు. ఈ ఎన్నికల్లో ఎస్పీకి చెందిన పరాస్ నాథ్ యాదవ్ గెలుపొందగా,జాగృతి సింగ్ రెండో స్థానంలో నిలిచారు. అయితే, ధనంజయ్ ,జాగృతి 2017 సంవత్సరంలో విడాకులు తీసుకున్నారు. ఆ తర్వాత ప్రస్తుతం జాన్‌పూర్‌ జిల్లా పంచాయతీ అధ్యక్షురాలిగా ఉన్న శ్రీకళారెడ్డిని ధనంజయ్ మూడో పెళ్లి చేసుకున్నాడు. ప్రమోద్ యాదవ్ హత్యకేసులో ఇప్పటి వరకు ఎవరిపైనా అభియోగాలు నమోదు కాలేదు.దుండగులను గుర్తించే పనిలో పోలీసులు నిమగ్నమయ్యారు.
ఇప్పటి వరకు ఎవరిపైనా అభియోగాలు నమోదు కాలేదు
ఇందుకోసం నిత్యం సీసీటీవీ ఫుటేజీలను పరిశీలిస్తూ ప్రత్యక్ష సాక్షుల కోసం గాలిస్తున్నారు. సమాచారం ప్రకారం,ఈ సంఘటన జాన్‌పూర్‌లోని బక్సా పోలీస్ స్టేషన్ పరిధిలోని బోధాపూర్ మలుపులో జరిగింది. బీజేపీ నేత ప్రమోద్ యాదవ్‌ను దుండగులు కాల్చిచంపారు. పరిస్థితి విషమించడంతో జిల్లా ఆసుపత్రికి తరలించగా చికిత్స పొందుతూ మృతి చెందాడు. విషయం తెలుసుకున్న పోలీసులు సంఘటనా స్థలానికి చేరుకుని దర్యాప్తు ప్రారంభించారు. ప్రమోద్ యాదవ్ హత్యకేసులో ఇప్పటి వరకు ఎవరిపైనా అభియోగాలు నమోదు కాలేదు.
