Harish Rao: బీఆర్ఎస్ ఒంటరిగానే బరిలోకి దిగుతున్నాం: హరీష్ రావు
ఈ వార్తాకథనం ఏంటి
బీఆర్ఎస్ బీజేపీతో పొత్తు పెట్టుకుందని, విలీనమవుతుందని పార్టీ ఎమ్మెల్సీ కల్వకుంట్ల కవిత చేసిన వ్యాఖ్యల నేపథ్యంలో, బీఆర్ఎస్ నేతలు మరోసారి స్పష్టత ఇచ్చారు.
ఎలాంటి పార్టీతోనూ బీఆర్ఎస్ పొత్తు పెట్టుకోదని, రాబోయే ఎన్నికల్లో ఒంటరిగానే బరిలోకి దిగుతుందని మాజీ మంత్రి హరీశ్ రావు స్పష్టం చేశారు.
2024 ఎన్నికల్లో బీఆర్ఎస్ 100 స్థానాలు గెలుచుకొని అధికారంలోకి వస్తుందని ధీమా వ్యక్తం చేశారు.
Details
'రెడ్ బుక్' హెచ్చరికలు… సీఎం రేవంత్‌కు సవాల్
రూ. 21,000 కోట్ల వడ్డీ లేని రుణాలు మహిళలకు ఇచ్చారని ప్రభుత్వం చెబుతోందని, కానీ దానికి ఆధారాలు చూపించగలిగితే తాను తన పదవికి రాజీనామా చేస్తానని హరీశ్ రావు పేర్కొన్నారు.
ఆంధ్రప్రదేశ్ ప్రభుత్వం చేపట్టిన బనకచర్ల ప్రాజెక్టును అడ్డుకోవడంలో బీజేపీ ఎంపీలు ఏమీ చేయడం లేదని విమర్శించారు.
రాష్ట్ర ప్రయోజనాల కోసం నిజమైన చిత్తశుద్ధి ఉంటే వారు వెంటనే స్పందించాలన్నారు.
అంతేకాకుండా, బీఆర్ఎస్ కార్యకర్తలను వేధించిన పోలీస్ అధికారులు, ఇతర అధికారులు 'రెడ్ బుక్' లో పేర్లు లిఖించబడతాయని హెచ్చరించారు. వచ్చే ఎన్నికల్లో బీఆర్ఎస్ అధికారంలోకి రావడం ఖాయమని పేర్కొన్నారు.
Details
కాంట్రాక్టులు కేవలం నాలుగురికే: హరీష్ ఆరోపణలు
రేవంత్ రెడ్డి ప్రభుత్వం 12,000 కోట్ల విలువైన పనులను కేవలం నాలుగు ప్రముఖ కాంట్రాక్టర్లకే అప్పగించిందని హరీశ్ ఆరోపించారు.
దీనిపై మరింతగా మండిపడుతూ, ఓ ఎంపీ, కార్పొరేషన్ చైర్మన్ మిల్లీ మ్యాగీతో అసభ్యంగా ప్రవర్తించారనే ఆరోపణలు ఉన్నాయని చెప్పారు.
వాటిపై సీసీ కెమెరా ఫుటేజీ విడుదల చేయాలని డిమాండ్ చేశారు.
తెలంగాణ సచివాలయానికి అంబేడ్కర్ పేరు పెట్టినందుకే అధికారులపై మీ సమీక్షలు పీక్స్‌కి చేరుకున్నాయా అని సీఎం రేవంత్‌ను హరీష్ ప్రశ్నించారు.
Details
లీకైన లేఖతో బీఆర్ఎస్‌లో కలకలం
మాజీ సీఎం కేసీఆర్‌కు ఆయన కుమార్తె కవిత రాసిన లేఖ బయటకు రావడంతో పార్టీ అంతర్గత విభేదాలు వెలుగులోకి వచ్చాయి.
తాను జైలులో ఉన్నప్పుడు బీజేపీతో పొత్తు లేదా విలీనం చేయాలన్న ప్రతిపాదనలు వచ్చాయని, వాటిని తానే అడ్డుకున్నట్లు కవిత పేర్కొన్నారు.
కేసీఆర్‌ను దేవుడిగా, ఆయన చుట్టూ దెయ్యాలు ఉన్నాయని చేసిన వ్యాఖ్యలు తీవ్ర చర్చకు దారి తీశాయి.
కేసీఆర్‌పై నోటీసులు వస్తున్నా, కాంగ్రెస్-బీజేపీలు విమర్శిస్తున్నా, పార్టీ నేతలు స్పందించకపోవడంపై కవిత అసహనం వ్యక్తం చేశారు.
లేఖ లీక్ అయిన తర్వాత ఆమె తెలంగాణ జాగృతిని మరింత చురుకుగా నిర్వహించడం గమనార్హం.
Details
కేసీఆర్‌తో భేటీ
కవిత స్వంత దిశగా అడుగులు వేస్తున్నట్లు రాజకీయ వర్గాలు భావిస్తున్నాయి. అయితే కేసీఆర్ మౌనంగా ఉండటంతో రాజకీయంగా సందిగ్ధత నెలకొంది.
పార్టీలో ప్రతి ఒక్కరికి లేఖలు రాయే స్వేచ్ఛ ఉందని, తమది ప్రజాస్వామ్య పార్టీ అని కేటీఆర్ వివరణ ఇచ్చారు. అంతర్గత అంశాలు బయటకు రాకూడదని సూచించారు.
అనంతరం ఎర్రవెల్లి ఫాం హౌస్‌కి వెళ్లి కేసీఆర్‌తో సమావేశమయ్యారు. కవిత వ్యాఖ్యలపై ఎవరూ స్పందించకూడదని పార్టీ నేతలకు సూచించారు.