KTR: బీఆర్ఎస్ సరికొత్త వ్యూహాం.. టాలీవుడ్ హీరోలను ఇంటర్వ్యూ చేయనున్న కేటీఆర్
ఈ వార్తాకథనం ఏంటి
తెలంగాణ ఎన్నికల్లో భాగంగా బీఆర్ఎస్ ప్రభుత్వం సరికొత్త వ్యూహాలతో ముందుకెళ్తుతోంది.
ఎలాగైనా ఈ ఎన్నికల్లో విజయం సాధించేందుకు భారీ ప్రణాళికలు అమలు చేస్తోంది. ఎన్నికల ప్రచారంలో బీఆర్ఎస్ ట్రెండ్ మారుస్తోంది.
డిజిటల్ యుగంలో సోషల్ మీడియాను ప్రచార సాధనంగా వాడుకొని, ప్రజల్లోకి మరింత బలంగా వెళ్లాలని భావిస్తోంది.
మొన్న మై విలేజ్ షో ద్వారా తెలంగాణ మంత్రి కేటీఆర్ వీక్షకుల్ని ఆకట్టుకున్నారు.
మై విలేజ్ టీంలో గంగవ్వతో సరదాగా ముచ్చటించారు.
ఇందులో భాగంగా రాష్ట్రంలో వ్యవసాయ వృద్ధి నుంచి ఉపాధి కల్పన వరకు వివిధ అంశాలను కేటీఆర్ వివరించడంతో ఈ వీడియోకు మంచి స్పందన లభించింది.
Details
సెలబ్రెటీలతో ఇంటర్వ్యూలు ప్లాన్ చేస్తున్న కేటీఆర్
తాజాగా మంత్రి కేటీఆర్ సెలబ్రెటీలను ఇంటర్వ్యూలను చేసేందుకు ప్లాన్ సిద్ధం చేస్తున్నట్లు తెలిసింది.
టాలీవుడ్ లో ఇద్దరు ప్రముఖ తెలుగు హీరోలతో కేటీఆర్ ఇంటర్వ్యూలు చేస్తే ప్రజల్లో మంచి రెస్పాన్స్ వస్తుందని ఆయన సోషల్ మీడియా టీం చెప్పడంతో అందుకు కేటీఆర్ ఓకే చెప్పారట.
తెలుగు ఫీల్మ్ ఇండస్ట్రీలో మంచి ఫ్యాన్ ఫాలోయింగ్ ఉన్న హీరోలనే కేటీఆర్ వినూత్నంగా ఇంటర్వ్యూ చేయనున్నట్లు తెలిసింది.
అయితే ఇంటర్వ్యూలో ప్రశ్నలన్నీ తెలంగాణలో జరిగిన అభివృద్ధి, ప్రజలకు అందిస్తున్న పథకాలపై వివరించేలా ఉండనున్నాయి.