Ys Jagan : వైఎస్ జగన్ సీఎం లండన్ టూర్ పిటిషన్'పై తీర్పును వాయిదా వేసిన సీబీఐ కోర్టు..
ఈ వార్తాకథనం ఏంటి
ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి దాఖలు చేసిన పిటిషన్‌పై నాంపల్లి సీబీఐ కోర్టు గురువారం తీర్పును మే 14కి వాయిదా వేసింది.
మే 17న లండన్ వెళ్లేందుకు అనుమతి ఇవ్వాలని వైఎస్ జగన్మోహన్ రెడ్డి బుధవారం హైదరాబాద్‌లోని సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) కోర్టును ఆశ్రయించారు.
అయితే ఈ పిటిషన్‌పై నేడు(గురువారం) విచారణ జరిగింది. దీంతో సీబీఐ లాయర్లు అభ్యంతరం చెప్పారు.
సీఎం జగన్ విదేశీ పర్యటనకు వెళ్లేందుకు అనుమతి ఇవ్వొదని ధర్మాసనాన్ని కోరారు.
అంతకముందు కూడా కోర్టు అనుమతి ఇచ్చిందని ఈ సందర్భంగా జగన్ తరపు లాయర్లు గుర్తు చేశారు. ఇరు పక్షాల వాదనలు విన్న కోర్టు తీర్పును ఈ నెల 14కు వాయిదా వేసింది.
Details
జగన్ లండన్ టూర్ అనుమతి కోసం నాంపల్లి సీబీఐ కోర్టులో దరఖాస్తు
ఆంధ్రప్రదేశ్ అసెంబ్లీ ఎన్నికల పోలింగ్ తర్వాత ముఖ్యమంత్రి తన భార్య భారతితో కలిసి లండన్ వెళ్లాలని యోచిస్తున్నారు.
దీనికి సంబంధించి అనుమతి కోసం నాంపల్లి సీబీఐ కోర్టులో దరఖాస్తు దాఖలైంది.
అయన తన భార్య, పిల్లలతో కలిసి లండన్, స్విట్జర్లాండ్, జెరూసలేంలను సందర్శించి మే 30 లేదా జూన్ 1 నాటికి తిరిగి వచ్చే అవకాశం ఉంది.
సీబీఐ, ఈడీ కేసుల్లో జగన్ ప్రమేయం ఉన్నందున సీబీఐ కోర్టు అనుమతి తీసుకోవాల్సి ఉంది.