చంద్రబాబు నాయుడుకు ఆదాయపు పన్ను నోటీసు
ఈ వార్తాకథనం ఏంటి
ఆంధ్రప్రదేశ్ మాజీ ముఖ్యమంత్రి,ప్రస్తుత టీడీపీ అధినేత చంద్రబాబునాయుడుకు ఆదాయపుపన్నుశాఖ షోకాజ్ నోటీసులు జారీ చేసింది.
ఆగస్టు 4న హైదరాబాద్‌లోని సెంట్రల్ సర్కిల్ ఈ నోటీసు పంపింది. కొన్ని మౌలిక సదుపాయాల కంపెనీల నుండి ₹118 కోట్ల కిక్‌బ్యాక్‌కు సంబంధించి నాయుడుని ప్రశ్నించింది.
ఈ మొత్తాన్ని"వెల్లడించని ఆదాయం"గా పరిగణించాలా లేక చట్టం ప్రకారం ప్రాసెస్ చేయాలా అనే దానిపై డిపార్ట్‌మెంట్ వివరణ కోరింది.
చంద్రబాబు ఆదాయ వ్యవహారాలను పరిశీలించిన ఐటీశాఖ సెంట్రల్ సర్కిల్ ప్రొసీడింగ్స్‌కు ఉపక్రమించినట్లు సెక్షన్ 153సి ప్రకారం జారీ చేసిన నోటీసుల్లో పేర్కొన్నారు.
ఈ సెక్షన్ 153సి ప్రకారం ఐటీ శాఖకు విస్తృత సోదాలు నిర్వహించేందుకు అవకాశాలు ఉంటాయి.
Details
SPCL సంస్థ తరపున MVP టెండర్ల ప్రక్రియలో పాల్గొన్నారు: ఐటీ
అయా సంస్థల ప్రమేయం ఉందని నిర్ధారించే ప్రాథమిక ఆధారాలు గనుక లభిస్తే ఐటీ శాఖ వారిపై చర్యలు తీసుకుంటుంది.
బీజేపీతో తెలుగుదేశం ఈ సారి ఎన్నికలలో కలిసి ముందడుగు వేస్తోందన్న ప్రచారాలు జరుగుతున్న వేళ ఐటీ శాఖ నోటీసులు కీలకంగా మారాయి.
షాపూర్జీ పల్లోంజీ & కో. ప్రైవేట్ లిమిటెడ్ (SPCL) తరపున ఆంధ్రప్రదేశ్‌లో టెండర్ ప్రక్రియలో పాల్గొన్న మనోజ్ వాసుదేవ్ పార్ధసాని (MVP) ప్రాంగణంలో సోదాల నుండి ఈ దర్యాప్తు మొదలైంది.
2017 నుంచి SPCL సంస్థ తరపున MVP టెండర్ల ప్రక్రియలో పాల్గొంటున్నట్లు ఐటీ శాఖ గుర్తించింది. 2019లో జరిపిన సోదాల్లో ఈ వ్యవహారం వెలుగు చూసింది.
Details
నగదు లావాదేవీల కోసం సబ్‌ కాంట్రాక్టులను ఏర్పాటు చేశాం: ఐటీ
ఎంక్వయిరీ లో భాగంగా ఐటీ శాఖ MVP బోగస్‌ కాంట్రాక్టులు, వర్క్‌ ఆర్డర్‌లతో SPCL నిధులు మళ్ళించినట్టు అంగీకరించినట్టు స్పష్టం చేసింది.
నగదు లావాదేవీల కోసం సబ్‌ కాంట్రాక్టులను ఏర్పాటు చేశామని MVP ఒప్పుకున్నట్టు ఐటీ శాఖ పేర్కొంది.
ఐటీ శాఖ సోదాల సమయంలో రికవర్ చేసిన స్టేట్‌మెంట్‌లు, చాట్‌లు, మెటీరియల్‌లు ఈ విషయానికి మద్దతుగా నిలుస్తున్నాయి.
పార్టీ కోసం నిధులు కోరుతూ 2016లో నాయుడు వ్యక్తిగత కార్యదర్శితో MVP సంప్రదింపులు జరిపినట్లు నోటీసులో పేర్కొన్నారు.
Details
కేంద్ర హోం మంత్రి అమిత్ షాతో నాయుడు సమావేశం
అసలు పనులు లేకుండానే ప్రాజెక్టుల నుంచి నిధులు మళ్లించారని, వివిధ సంస్థల ద్వారా చంద్రబాబుకు లబ్ధి చేకూరిందని ఆరోపించారు.
టిడిపి, భారతీయ జనతా పార్టీ (బిజెపి) మధ్య పొత్తు ఉండవచ్చనే ఊహాగానాలు తలెత్తడంతో, జూన్‌లో నాయుడు కేంద్ర హోం మంత్రి అమిత్ షాతో సమావేశం కావడం ఈ పుకార్లకు మరింత ఆజ్యం పోసింది.
నాయుడు, సెంట్రల్ బోర్డ్ ఆఫ్ డైరెక్ట్ టాక్సెస్ (CBDT), ఆర్థిక మంత్రిత్వ శాఖ ఈ విషయంపై విచారణలకు ఇంకా స్పందించలేదు.