Cm Revanth : ముఖ్యమంత్రిగా రేవంత్ ప్రమాణం తొలి సంతకం దేనిపై అంటే
ఈ వార్తాకథనం ఏంటి
తెలంగాణ రాష్ట్ర రెండో ముఖ్యమంత్రిగా నేడు మధ్యాహ్నం 1.04 గంటలకు రేవంత్ రెడ్డి ప్రమాణం చేయనున్నారు.అనంతరం తొలి సంతకం ఆరు గ్యారంటీలపైనే పెట్టనున్నారు.
ఎన్నికల ప్రచారంలో భాగంగా కాంగ్రెస్ మేనిఫెస్టోతో పాటు ఆరు గ్యారెంటీలను హామీలుగా ఇచ్చింది. అయితే అన్నిటికంటే ఈ ఆరు గ్యారంటీలు ప్రచార పర్వంలో కీలక పాత్ర పోషించాయి.
వాటిని జనాల్లోకి తీసుకెళ్లి కాంగ్రెస్ పట్ల ప్రజలకు సానుకూల దృక్పదాన్ని కలిగించారు పార్టీ నేతలు.
ఆరు గ్యారంటీలు ఇవే :
మహాలక్ష్మి :
18 ఏళ్లు నిండిన ప్రతి మహిళకు నెలకు రూ.2500 రూపాయల డబ్బులు ఇస్తామని కాంగ్రెస్ హామీ ఇచ్చింది. గ్యాస్‌ సిలిండర్ ధరలను రూ.400కే ఇస్తామన్నారు. ఆర్టీసీ బస్సులో మహిళలకు ఉచిత ప్రయాణం హామీ ప్రజల్లోకి చొచ్చుకెళ్లింది.
details
వరి పంటకు క్వింటాలుకు రూ.500 బోనస్
రైతు భరోసా
ఏటా రైతులకు, కౌలు రైతులకు ఎకరానికి రూ.15000లను రైతు భరోసాగా ఇస్తామని చెప్పింది. వ్యవసాయ కూలీలకు రూ.12000 ఇస్తామని హామీనిచ్చింది. వరి పంటకు క్వింటాలుకు రూ.500 బోనస్ ఇవ్వనున్నట్లు తెలిపింది.
గృహ జ్యోతి :
గృహజ్యోతి పథకాన్ని ప్రవేశపెట్టి ప్రతి కుటుంబానికి 200 యూనిట్ల విద్యుత్‌ను ఉచితంగా ఇస్తామని భరోసా ఇచ్చింది.
ఇందిరమ్మ ఇళ్లు :
ఇల్లు లేని వారికి ఇంటి స్థలం ఇచ్చి రూ. 5 లక్షలతో నిర్మాణం చేసుకునేలా ప్రోత్సహిస్తామని హామీ ఇచ్చింది.
తెలంగాణ ఉద్యమంలో పాల్గొన్న ఉద్యమకారుల కుటుంబాలకు 250 చదరపు గజాల ఇంటి స్థలం ఇస్తామని గ్యారంటీ ఇచ్చింది.
details
కాంగ్రెస్ శ్రేణుల ముందు ఆరు గ్యారెంటీలపై సంతకాలు
యువ వికాసం :
విద్యార్థులకు రూ.5 లక్షల విద్యా భరోసా కార్డులు ఇవ్వాలని నిర్ణయించింది. ప్రతి మండలంలో తెలంగాణ ఇంటర్నేషనల్ స్కూల్ ఏర్పాటుకు హామీ ఇచ్చింది.
చేయూత పథకం
ప్రస్తుతం ఇస్తున్న పింఛన్‌లను రూ.4000 వేలకు పెంచను న్నట్లు ప్రచారం చేసింది. రాజీవ్ ఆరోగ్య శ్రీ బీమా ను కూడా 10 లక్షలు చేయబోతున్నట్టు వెల్లడించారు.
వీటితోపాటు ప్రతి జిల్లాకు ప్రత్యేక డిక్లరేషన్ ఇచ్చ భారీ హామీలనే ఇచ్చింది కాంగ్రెస్. దీంతో వీటి అమలుపైనే ప్రధానంగా దృష్టి పెట్టనున్నట్లు గాంధీభవన్ వర్గాలు అంటున్నాయి.
ప్రతిష్టాత్మకంగా తీసుకున్న ఆరు గ్యారంటీల అమలుపై ప్రజల సాక్షిగా కాంగ్రెస్ శ్రేణుల ముందు ఏఐసీసీ అగ్రనేతల సమక్షంలో ఆరు గ్యారంటీలపై సంతకం చేయనున్నారు.