Nallamala:నల్లమల అడవుల్లో భూగర్భ సొరంగం నిర్మాణం.. గోదావరి-బనకచర్ల ప్రాజెక్టు భాగంగా ప్రణాళికలు
ఈ వార్తాకథనం ఏంటి
గోదావరి-బనకచర్ల అనుసంధాన ప్రాజెక్టు భాగంగా నల్లమల అడవుల్లో భూగర్భ టన్నెల్ నిర్మాణం ప్రతిపాదిస్తున్నట్లు సమాచారం.
బొల్లాపల్లి జలాశయంలో నీళ్లు నిల్వ చేసిన తర్వాత, వాటిని బనకచర్ల హెడ్‌ రెగ్యులేటర్‌కు తీసుకువెళ్లేందుకు నల్లమల అడవుల మీదుగా మళ్లించాల్సి ఉంటుంది.
ఈ ప్రాజెక్టు కోసం అటవీ, పర్యావరణ అనుమతులను సులభంగా పొందడానికి, టన్నెల్‌ను భూగర్భంగా నిర్మించనున్నట్లు సమాచారం.
ఈ టన్నెల్ ద్వారా 24 వేల క్యూసెక్కుల నీటిని తీసుకువెళ్లడానికి 118 కి.మీ పొడవునా గ్రావిటీ కాలువ తవ్వవాల్సి ఉంటుంది. ఇందులో మూడు చోట్ల నీటిని ఎత్తి తీసుకోవాల్సి ఉంటుంది.
Details
27 కి.మీ పొడవునా టన్నెల్ తవ్వాలని ప్రతిపాదన
అదేవిధంగా నల్లమల అటవీ ప్రాంతంలో 27 కి.మీ పొడవునా టన్నెల్ తవ్వాలని ప్రతిపాదిస్తున్నారు.
ఇది వన్యప్రాణి సంరక్షణ ప్రాంతం కావడంతో అటవీ భూమిలో నీటిని ప్రవహింపజేసేందుకు ఈ టన్నెల్‌ను భూగర్భంలో నిర్మించాలనుకుంటున్నారు.
టన్నెల్ ప్రారంభం, అవుట్‌ఫ్లో ప్రాంతం కూడా అటవీ ప్రాంతంలో కాకుండా ప్లానింగ్ చేశారు. ఈ టన్నెల్ నిర్మాణానికి 17 వేల ఎకరాల అటవీ భూమి అవసరం.
ఇందులో 15 వేల ఎకరాలు బొల్లాపల్లి జలాశయంలో కావాలి. పోలవరం జలాశయం నుండి కృష్ణా నది వరకు నీటిని తీసుకువెళ్లే మార్గంలో ఎక్కడా ఎత్తిపోతల అవసరం లేకుండా, ప్రస్తుత కాలువల సామర్థ్యాన్ని పెంచుకోవడం మిగిలిన ప్రణాళిక.
Details
ఏటా 5,000 మెగావాట్ల విద్యుత్తు అవసరం
పోలవరం కుడి కాలువ ఇప్పటికే 187 కి.మీ మేర తవ్వబడినప్పటికీ, 28 వేల క్యూసెక్కుల సామర్థ్యం కోసం దాన్ని విస్తరించాలి.
అలాగే ఉమ్మడి పశ్చిమగోదావరి కాలువను మరో 108 కి.మీ పొడిగించి, దాని సామర్థ్యాన్ని 10 వేల క్యూసెక్కులకు పెంచే ప్రణాళిక ఉంది.
ఈ ప్రాజెక్టు అనుమతులను సాధించడం పెద్ద కష్టంగా ఉండకపోవచ్చు, ఎందుకంటే కేంద్ర, రాష్ట్రాల స్థాయిలో ఎన్డీయే ప్రభుత్వాలు ఉన్నాయట.
అటవీ భూములకు ప్రత్యామ్నాయ భూములు చూపాల్సి ఉంటే, కేంద్ర జలసంఘానికి డీపీఆర్‌ సమర్పిస్తారు.
దరఖాస్తు ప్రకారం, ఈ ప్రాజెక్టుకు ఏటా 5,000 మెగావాట్ల విద్యుత్తు అవసరమవుతుందని, దీనివల్ల ప్రాజెక్టు నిర్వహణకు రూ.వేల కోట్లు ఖర్చవుతాయని సమాచారం.