దేశంలో కొత్తగా 7,533 మందికి కరోనా; 44మరణాలు
దేశంలో గత 24గంటల్లో 7,533 కరోనా కొత్త కేసులు నమోదైనట్లు శుక్రవారం కేంద్ర ఆరోగ్య మంత్రిత్వ శాఖ తెలిపింది. దేశంలో మొత్తం కేసులు సంఖ్య 4.49కోట్లకు పెరిగినట్లు కేంద్రం చెప్పింది. అయితే యాక్టివ్ కేసుల సంఖ్య 53,852కు తగ్గినట్లు కేంద్ర ఆరోగ్య శాఖ వెల్లడించింది. దేశంలో కొత్తగా 44మంది మరణించినట్లు కేంద్రం చెప్పింది. అందులో కేరళ ప్రభుత్వం సవరించిన మరణాలు 16ఉండటం గమనార్హం. జాతీయ కోవిడ్ రికవరీ రేటు 98.69శాతంగా ఉన్నట్లు మంత్రిత్వ శాఖ వెబ్‌సైట్‌చెబుతోంది. కరోనా నుంచి ఇప్పటివరకు మొత్తం 4,43,47,024మంది కోలుకున్నట్లు కేంద్రం పేర్కొంది. మరణాల రేటు 1.18 శాతంగా నమోదైనట్లు చెప్పింది. మంత్రిత్వ శాఖ వెబ్‌సైట్ ప్రకారం దేశవ్యాప్తంగా మొత్తం 220.66కోట్ల కోవిడ్ వ్యాక్సిన్‌లు అందించినట్లు కేంద్రం ప్రకటించింది.
