Bhole Baba: అందరి మంచీ చెడు మా ట్రస్ట్ చూసుకుంటుంది: భోలే బాబా
ఈ వారం ప్రారంభంలో ఉత్తర్ప్రదేశ్'లోని హత్రాస్లో తన 'సత్సంగ్'లో జరిగిన తొక్కిసలాటలో 121 మంది మరణించిన ఘటనపై భోలే బాబా తొలిసారిగా స్పందించాడు. సంఘటనతో తాను "తీవ్ర బాధపడ్డాను" అని ANIకిచ్చిన ఇంటర్వ్యూలో చెప్పుకొచ్చారు. ఈ బాధను భరించే శక్తిని దేవుడు మాకు ప్రసాదిస్తాడు. దయచేసి ప్రభుత్వంపై,పరిపాలనపై నమ్మకం ఉంచండి. గందరగోళం సృష్టించిన వారెవరైనా విడిచిపెట్టరని నాకు నమ్మకం ఉంది. నా న్యాయవాది ఎపి సింగ్ ద్వారా, తాను కమిటీ సభ్యులను అభ్యర్థించాను. మరణించిన కుటుంబాలు గాయపడిన వారితో పాటు నిలబడటానికి అవసరమైన మేరకు అండగా వుంటామన్నాడు.. ఈ మేరకు " అని 'భోలే బాబా' ఒక వీడియో ప్రకటనలో తెలిపాడు.
2.5 లక్షల మంది భక్తుల హాజరు,అందుకే తొక్కిసలాట
'సత్సంగం' 2.5లక్షల మంది హాజరయ్యారు.హాజరైనవారు భోలే బాబా కారు వెళ్ళిన నేల నుండి "దుమ్ము సేకరించడం" ప్రారంభించినప్పుడు తొక్కిసలాట ప్రారంభమైంది. దీనితో ఒకరిపై ఒకరు పడ్డారు.పురుషులు, మహిళలు ,పిల్లలు ఒకరిపై ఒకరు పడి తొక్కిసలాటకు దారితీసింది. ఫలితంగా అనేక మరణాలు సంభవించాయి. అధికారులు నిర్దేశించిన 80,000మంది వ్యక్తుల పరిమితిని మించిపోయిందని పోలీసులు తెలిపారు. నారాయణ్ సాకర్ హరి అని కూడా పిలువబడే భోలే బాబా తొక్కిసలాట జరిగినప్పటి నుండి తప్పించుకుని తిరుగుతున్న వ్యక్తి. హరి.. విచారణకు సహకరిస్తానని ఆయన న్యాయవాది ఏపీ సింగ్ నిన్న తెలిపారు. "మా వద్ద జిల్లాల వారీగా బాధితుల జాబితాలు ఉన్నాయి.తొక్కిసలాటలో మరణించిన వారి కుటుంబాల విద్య,ఆరోగ్యం,వివాహ ఖర్చులను నారాయణ్ సకర్ హరి ట్రస్ట్ చూసుకుంటుందని సింగ్ చెప్పారు.
'సత్సంగ్' 'ముఖ్య సేవదారు' దేవప్రకాష్ మధుకర్ అరెస్టు
'సత్సంగ్' 'ముఖ్య సేవదారు' దేవప్రకాష్ మధుకర్ను ఢిల్లీలో అరెస్టు చేసినట్లు హత్రాస్ పోలీసులు తెలిపారు. మధుకర్ అరెస్ట్తో ఈ కేసులో మొత్తం అరెస్టుల సంఖ్య ఏడుకు చేరింది. అయితే, మధుకర్ తరపు న్యాయవాది సింగ్, తన క్లయింట్ లొంగిపోయాడని, అరెస్టు చేయలేదని పేర్కొన్నారు. "హత్రాస్ కేసులో ఎఫ్ఐఆర్లో ప్రధాన ఆర్గనైజర్గా పేర్కొన్న దేవప్రకాష్ మధుకర్ ఢిల్లీలో చికిత్స పొందుతున్నాడు . ఈ సమాచారం ఢిల్లీలోని పోలీసులు, సిట్ , ఎస్టిఎఫ్కి సమాచారం అందింది. దీనితో తాము లొంగిపోయాము" అని సింగ్ తెలిపారు. కాగా 'సత్సంగ్' ఆర్గనైజింగ్ కమిటీలో భాగమైన ఇద్దరు మహిళా వాలంటీర్లు సహా మరో ఆరుగురిని అరెస్టు చేశారు.
ఆదిత్యనాథ్కు సిట్ నివేదిక
తొక్కిసలాటపై తొలి ప్రత్యేక దర్యాప్తు బృందం (సిట్) నివేదికను యూపీ ముఖ్యమంత్రి యోగి ఆదిత్యనాథ్కు వివరించారు. అడిషనల్ డైరెక్టర్ జనరల్ ఆఫ్ పోలీస్ (ADG), ఆగ్రా జోన్, అనుపమ్ కులశ్రేష్ఠ సమర్పించిన ఈ రహస్య నివేదికలో హత్రాస్ జిల్లా మేజిస్ట్రేట్ ఆశిష్ కుమార్ , పోలీసు సూపరింటెండెంట్ నిపున్ అగర్వాల్ సహా కీలక అధికారుల సాక్ష్యాలు ఉన్నాయి. భారతీయ న్యాయ సంహిత (BNS)లోని వివిధ సెక్షన్ల కింద ఎఫ్ఐఆర్ నమోదు చేశారు.