Delhi : దిల్లీలో పెను విషాదం.. యమునా నదిలో మునిగి నలుగురు విద్యార్థులు మృతి
10వ తరగతి చదువుతున్న ముగ్గురు విద్యార్థులు మంగళవారం దిల్లీలోని బురారీ ప్రాంతంలో యమునా నదిలో మునిగి చనిపోయారని పోలీసులు తెలిపారు. దిల్లీ పోలీసులు తెలిపిన వివరాల ప్రకారం,ఉత్తర్‌ప్రదేశ్‌ ఘజియాబాద్‌లోని లోనీలోని రామ్‌పార్క్‌లో నివసించే నలుగురు స్నేహితులు ఆదిత్య రావత్, శివం యాదవ్, రామన్, ఉదయ్ ఆర్య మంగళవారం స్నానం చేయడానికి యమునా ఘాట్‌కు చేరుకున్నారు. వీరందరి వయస్సు 16-17 ఏళ్ళ మధ్య ఉంటుంది.ఈ నలుగురు పిల్లలు 10వ తరగతి చదువుతున్నారు. వీరందరూ స్నానం చేస్తుండగా యమునా నదిలో మునిగి చనిపోయారు.
రెస్క్యూ ఆపరేషన్ లో మూడు మృతదేహాలు గుర్తింపు
సాయంత్రం 6 గంటల ప్రాంతంలో నలుగురు నీటిలో మునిగిపోవడంతో అగ్నిమాపక శాఖ, బోట్‌క్లబ్‌కు సమాచారం అందించారు. తదనంతరం, రెస్క్యూ బోట్ టీమ్, మూడు ఫైర్ టెండర్లు కూడా సంఘటనా స్థలానికి చేరుకున్నాయి. రెస్క్యూ బోట్ బృందం మూడు మృతదేహాలను గుర్తించింది, అయితే ఒకరి ఆచూకీ తెలియాల్సి ఉంది.అన్వేషణ ఇంకా కొనసాగుతూనే ఉంది. ముగ్గురి మృతదేహాలను పోస్టుమార్టం నిమిత్తం మార్చురీలో ఉంచారు. ఈ కేసుకు సంబంధించి పోలీసు విచారణ ప్రారంభమైంది.
