Hydra: మాదాపూర్‌లో స్పోర్ట్స్ అకాడమీ కూల్చివేత
ఈ వార్తాకథనం ఏంటి
హైదరాబాద్‌లో అక్రమ నిర్మాణాల కూల్చివేతలు వేగవంతమయ్యాయి. మాదాపూర్‌లోని కావూరి హిల్స్ ప్రాంతంలో అక్రమంగా నిర్మించిన నిర్మాణాలను అధికారులు తొలగిస్తున్నారు. సోమవారం ఉదయం హైడ్రా యంత్రాల సాయంతో అక్రమ నిర్మాణాలను అధికారులు కూల్చివేశారు. ప్రత్యేకంగా కావూరి హిల్స్ పార్కు ప్రాంతంలో ఏర్పాటుచేసిన స్పోర్ట్స్ అకాడమీపై ఫిర్యాదులొచ్చాయి. కావూరి హిల్స్ పార్కులో ఏర్పాటైన స్పోర్ట్స్ అకాడమీపై కొంతకాలంగా ఫిర్యాదులు కొనసాగుతున్నాయి. కావూరి హిల్స్ అసోసియేషన్‌ తరపున పార్కు లాంటి ప్రదేశాల్లో అక్రమ నిర్మాణాలు చేయడంపై తీవ్ర అభ్యంతరాలు వ్యక్తమయ్యాయి.
Details
లీజు గడువు ముగియకనే నిర్మాణాలను తొలగించడం అన్యాయం
ఈ క్రమంలో సోమవారం అకాడమీ నిర్మాణాలను అధికారులు తొలగించి, అక్కడ "కావూరి హిల్స్ పార్కు" అని బోర్డు పెట్టారు. అకాడమీ నిర్వాహకులు ఈ ఘటనపై స్పందించారు. అకాడమీకి 25 ఏళ్లకు లీజు ఇచ్చినట్లు తెలిపారు. లీజు గడువు ముగియకుండానే అక్రమంగా నిర్మాణాలను తొలగిస్తున్నారని వారు ఆరోపించారు. అక్రమంగా తొలగించడాన్ని అంగీకరించలేమని, తమ న్యాయపరమైన హక్కులను కాపాడుకుంటామని స్పష్టం చేశారు.