Bunny festival: దేవరగట్టు బన్నీ ఉత్సవం.. వందమంది భక్తులకు గాయాలు
ఈ వార్తాకథనం ఏంటి
ఆంధ్రప్రదేశ్ కర్నూలు జిల్లాలోని దేవరగట్టు గ్రామంలో ప్రతేడాది దసరా సందర్భంగా జరిగే 'బన్నీ ఉత్సవం' ఎంతో ప్రసిద్ధి. మాళ మల్లేశ్వరస్వామి ఉత్సవమూర్తులను కాపాడుకోవడంలో భాగంగా, పలు గ్రామాల ప్రజలు కర్రలతో తలపడే సమరం నిర్వహిస్తారు. ఈ సంవత్సరం కూడా అదే రీతిగా బన్నీ ఉత్సవం జరిగింది, కానీ ఈ కర్రల సమరంలో 100 మందికి పైగా గాయపడ్డారు. ఈ ఉత్సవంలో నెరణికి, నెరణికితండా కొత్తపేట గ్రామాల భక్తులు ఒక వైపు అరికెర, అరికెర తండా, సుళువాయి వంటి ఇతర గ్రామాల భక్తులు మరో వైపు స్వామి మూర్తులను దక్కించుకునేందుకు పోరాడుతారు.
Details
20 మందికి తీవ్రగాయాలు
ఈ పోరాటంలో గాయపడిన వారు, కాస్త గాయాలైనా సరే పసుపు రాసుకుని తిరిగి పండుగను కొనసాగిస్తారు. అయితే ఈ సారి తీవ్రంగా గాయపడిన 20 మందిని ఆదోని, బళ్లారి ఆసుపత్రులకు తరలించారు. ఇక్కడ గాయపడటం చాలా సాధారణమైందే అయినప్పటికీ, ఈ ఉత్సవం భక్తి శ్రద్ధలతో నిర్వహిస్తారు. దే వరగట్టులోని 800 అడుగుల ఎత్తైన కొండపై ఉన్న మాళ మల్లేశ్వరస్వామి ఆలయం ఈ ఉత్సవానికి ఎంతో ప్రాముఖ్యత కలిగి ఉంది.