Andhra Pradesh: ఏపీలో రెండు నగరాల్లో ఫైవ్ స్టార్ హోటల్స్.. కొత్త పెట్టుబడులకు కేబినెట్ గ్రీన్ సిగ్నల్
ఈ వార్తాకథనం ఏంటి
ఆంధ్రప్రదేశ్‌లో పెట్టుబడులు కొనసాగుతూనే ఉన్నాయి. తాజాగా రాష్ట్ర మంత్రి మండలి (కేబినెట్) సమావేశంలో పలు కీలక పెట్టుబడి ప్రతిపాదనలకు ఆమోదం లభించింది.
రాష్ట్ర పెట్టుబడుల ప్రోత్సాహక మండలి (SIPB) తీసుకున్న నిర్ణయాలను కేబినెట్ ఆమోదించింది.
ఈ నిర్ణయాలతో పాటు రాష్ట్రంలో వివిధ కంపెనీల ద్వారా వేల కోట్ల పెట్టుబడులు రానున్నాయి.
దీంతో రాష్ట్రవ్యాప్తంగా అభివృద్ధి పనులకు బూస్ట్ లభించనుండగా, యువతకు విస్తృతంగా ఉపాధి అవకాశాలు కలుగనున్నాయి.
Details
ప్రాంతాల వారీగా పెట్టుబడులు, ఉద్యోగ అవకాశాలు
విశాఖపట్నం బీచ్ రోడ్డులోని తాజ్ గేట్‌వేను, 'వరుణ్ హాస్పిటాలిటీ ప్రైవేట్ లిమిటెడ్' అభివృద్ధి చేయనుంది.
ఇది 5-స్టార్ డీలక్స్ హోటల్‌గా, సర్వీస్ అపార్ట్‌మెంట్‌లుగా రూపుదిద్దుకోనుంది. రూ.899 కోట్ల పెట్టుబడితో ఈ ప్రాజెక్టు ద్వారా 1,300 మందికి ఉద్యోగాలు వస్తాయి.
ప్రభుత్వం కూడా దీనికి ప్రోత్సాహకాలు అందించనుంది.
తిరుపతిలో 'స్రవంతి హోటల్స్ అండ్ రిసార్ట్స్ ప్రైవేట్ లిమిటెడ్' రెండు హోటల్స్—IBIS స్టైల్స్ 3-స్టార్ హోటల్, నోవోటెల్ 5-స్టార్ హోటల్ నిర్మించనుంది. రూ.327 కోట్ల పెట్టుబడితో ఈ ప్రాజెక్టులో 570 మందికి ఉపాధి లభించనుంది.
Details
622మందికి ఉపాధి
తిరుపతిలోని ఎస్‌వీపురం వడమాలపేట ప్రాంతంలో 'బెంగాల్ అల్టిమేట్ రిసార్ట్స్ ఎల్‌ఎల్‌పీ' సంస్థ 5-స్టార్ రిసార్ట్‌ను అభివృద్ధి చేయనుంది.
ప్రభుత్వం భూమిని కేటాయించడం తో పాటు ప్రోత్సాహకాలు అందించనుంది. రూ.150 కోట్ల పెట్టుబడితో 350 మందికి ఉద్యోగాలు కలుగుతాయి.
శ్రీసిటీలో డైకిన్ సంస్థ ఎయిర్ కండిషనింగ్ తయారీ యూనిట్‌ను విస్తరించనుంది. రూ.2,475 కోట్ల పెట్టుబడి పెట్టనున్న ఈ ప్రాజెక్టు ద్వారా 5,150 మందికి ఉద్యోగాలు కలుగుతాయి.
సెన్సొరెమ్ ఫోటోనిక్స్ ఇండియా ప్రైవేట్ లిమిటెడ్ పెట్టుబడి పెట్టేందుకు ముందుకొచ్చింది. ఈ ప్రాజెక్టు ద్వారా 622 మందికి ఉపాధి లభించనుంది.
క్వాంటం వ్యాలీ ప్రాజెక్టు కోసం రాష్ట్ర ప్రభుత్వం ఐబీఎం, టీసీఎస్, ఎల్‌అండ్‌టీ వంటి సంస్థలతో ఒప్పందాలకు ఆమోదం తెలిపింది.
Details
మొత్తం రూ.9,246 కోట్ల పెట్టుబడులు, 7,766 ఉద్యోగాలు
ఈ ఐదు కంపెనీల ప్రాజెక్టుల ద్వారా రాష్ట్రంలో మొత్తం రూ.9,246 కోట్ల పెట్టుబడి రానుండగా, దాదాపు 7,766 మందికి ఉద్యోగావకాశాలు ఏర్పడనున్నాయి.
ఇంకా ప్రోత్సాహక ప్యాకేజీలతో మరో 2,261 కోట్ల పెట్టుబడి
మోహన్ స్పింటెక్స్ ఇండియా లిమిటెడ్, ఏటీసీ టైర్స్ ఏపీ ప్రైవేట్ లిమిటెడ్ కంపెనీలకు ప్రభుత్వం ప్రత్యేక ప్రోత్సాహక ప్యాకేజీలు ప్రకటించింది.
ఈ రెండు సంస్థల ద్వారా రూ.2,261 కోట్ల పెట్టుబడులు రానున్నాయి. వీటి ద్వారా 2,125 మందికి ఉపాధి లభించనుంది.
Details
అభివృద్ధి పనులకు మార్గం
డెక్కన్ ఫైన్ కెమికల్స్, భారత్ ఎలక్ట్రానిక్స్, పీయూఆర్ ఎనర్జీ, బ్లూ జెట్ హెల్త్‌కేర్, జూపిటర్ రెన్యూవబుల్స్ వంటి ప్రముఖ సంస్థల పెట్టుబడి ప్రతిపాదనలకు SIPB సిఫార్సు చేయగా, వాటిని కేబినెట్ ఆమోదించింది.
ఈ విధంగా ఆంధ్రప్రదేశ్ రాష్ట్ర ప్రభుత్వం పెట్టుబడుల ప్రోత్సాహంతో అభివృద్ధి పనులకు బలమైన మార్గం వేస్తోంది.
ఉద్యోగావకాశాలు, ఆర్థిక పురోగతికి అడుగులుగా భావిస్తున్నారు.