Ashok Chavan: బీజేపీలో చేరిన మహారాష్ట్ర మాజీ సీఎం అశోక్ చవాన్
మహారాష్ట్ర మాజీ ముఖ్యమంత్రి అశోక్ చవాన్ కాంగ్రెస్ పార్టీని వీడిన మరుసటి రోజు మంగళవారం బీజేపీలో చేరారు. ఈరోజు తెల్లవారుజామున, చవాన్ విలేకరులతో మాట్లాడుతూ, "నేను ఈ రోజు ముంబైలోని బిజెపి కార్యాలయంలో చేరుతున్నాను, ఈ రోజు నా కొత్త రాజకీయ జీవితానికి నాంది" అని అన్నారు. కాంగ్రెస్ సీనియర్ నేతలు సోనియాగాంధీ, రాహుల్ గాంధీల నుంచి ఏమైనా కాల్స్ వచ్చాయా అని అడిగిన ప్రశ్నకు చవాన్ సమాధానం ఇవ్వకుండా తప్పించుకున్నారు. అశోక్ చవాన్ మరఠ్వాడా ప్రాంతంలోని నాందేడ్ జిల్లాకు చెందినవాడు. 2014-19లో రాష్ట్ర కాంగ్రెస్ చీఫ్‌గా కూడా ఉన్నారు. అతను భోకర్ అసెంబ్లీ స్థానానికి ప్రాతినిధ్యం వహించారు .నాందేడ్ లోక్‌సభ నియోజకవర్గం నుండి మాజీ ఎంపీ కూడా.
