Andhra Pradesh: రేషన్ కార్డు దారులకు శుభవార్త.. ఆ నెల నుంచి కందిపప్పు, రాగులు పంపిణీ
ఈ వార్తాకథనం ఏంటి
ఏపీ ప్రభుత్వం రేషన్ కార్డుదారులకు గుడ్ న్యూస్ చెప్పింది. జూన్ 2025 నుండి, రేషన్ షాపుల్లో ఉచిత బియ్యం, పంచదారతో పాటు కందిపప్పు, రాగులు సబ్సిడీ ధరలో అందించనున్నారు.
ఈ చర్య పేదల పోషకాహారం, ఆర్థిక సౌలభ్యాన్ని అందించడంలో కీలకమైనది.
ఉచిత బియ్యం, పంచదార
ప్రస్తుతం ఏపీలో, రేషన్ కార్డుదారులకు నెలకు 5 కిలోల ఉచిత బియ్యం అందిస్తోంది. ఈ బియ్యం, కరోనా సమయంలో కేంద్ర ప్రభుత్వ నుంచి అందిస్తోంది.
ప్రతి కుటుంబానికి గరిష్టంగా 20 కిలోల బియ్యం, 1 కిలో పంచదార రూ.20కి అందిస్తున్నారు. ఈ విధంగా జాతీయ ఆహార భద్రతా చట్టం కింద కేంద్రం ఉచిత రేషన్ అందిస్తుంది.
Details
పోషకాహార పథకం
జూన్ 2025 నుంచి, రేషన్ షాపుల్లో పంచదార, బియ్యం తో పాటు, సబ్సిడీ ధరకు కందిపప్పు (కిలో ధర రూ.67), రాగులు ఉచితంగా అందించనున్నారు.
ప్రతి రేషన్ కార్డుదారుని ఒక్క కిలో కందిపప్పు, రెండు కిలోల రాగులు ఇవ్వనున్నారు. ఈ సరుకులు పోషకాహార పథకంలో భాగంగా పేద ప్రజలకు అందిస్తారు.
అదేవిధంగా రాగుల ఉత్పత్తిని పెంచేందుకు కూడా ప్రోత్సాహం అందిస్తున్నది.
కందిపప్పు, రాగుల సేకరణకు టెండర్లు
రాష్ట్ర ప్రభుత్వం కందిపప్పు, రాగుల సేకరణ కోసం టెండర్లు ఆహ్వానించింది. ఈ ప్రొక్యూర్‌మెంట్ ప్రక్రియ ద్వారా, ఏప్రిల్, మే, జూన్ నెలలకు అవసరమైన సరుకులను సేకరించడానికి టెండర్లను స్వీకరించనున్నారు.
Details
బియ్యానికి బదులుగా రాగులు
ఏపీ రాష్ట్రంలో 1.46 కోట్ల రేషన్ కార్డుదారులు ఉన్నారు. రేషన్ షాపుల ద్వారా ఉచిత బియ్యానికి బదులుగా రాగులు అందించనున్నారు.
ప్రతి నెలా 20 కిలోల బియ్యం తీసుకునే కుటుంబాలు 2 కిలోల రాగులు తీసుకోవడానికి ఆసక్తి చూపితే, వారికి బియ్యం కోటాను తగ్గిస్తారు.
ఈ-కేవైసీ గడువు
ఏప్రిల్ 30తో రేషన్ కార్డు ఈ-కేవైసీ గడువు ముగియనుంది. ఈ గడువు వరకు ఈ-కేవైసీ పూర్తి చేయకపోతే, రేషన్ సబ్సిడీ నిలిపివేయబడవచ్చు. కొత్త రేషన్ కార్డులలో ఎటీఎం సైజు క్యూఆర్ కోడ్‌తో మార్పులు చేస్తారు.