Indiramma houses: తెలంగాణ పేదలకు గుడ్ న్యూస్.. రెండో విడత ఇందిరమ్మ ఇళ్లు ప్రారంభం
ఈ వార్తాకథనం ఏంటి
తెలంగాణ రాష్ట్ర ప్రభుత్వం ఇందిరమ్మ ఇళ్ల పథకం రెండో విడతను అమలు చేయడానికి సమగ్ర కార్యాచరణ ప్రణాళికను రూపొందించింది.
ఈ పథకాన్ని ఏప్రిల్ 16 (మంగళవారం) నుంచి 23 రోజులపాటు పలు దశల కార్యక్రమాల రూపంలో అమలు చేయనుంది.
అధికారుల కర్తవ్యాలు
తాజాగా విడుదల చేసిన ప్రభుత్వ మార్గదర్శకాల ప్రకారం ప్రతి నియోజకవర్గానికి ప్రత్యేక అధికారిని నియమించనున్నారు.
అలాగే ప్రతి మండలంలోని నాలుగు లేదా ఐదు గ్రామాలకు ఒక గెజిటెడ్ అధికారి ని నియమిస్తారు. అర్హుల జాబితాలపై జిల్లాస్థాయి అధికారుల ఆధ్వర్యంలో విచారణ జరిపించనున్నారు
Details
ముఖ్యమైన తేదీలు - కార్యక్రమాల కాలపట్టిక
ఒకవేళ అర్హుల జాబితాలో అనర్హులు ఉంటే గ్రామ పంచాయతీ మండల గెజిటెడ్ అధికారిపై బాధ్యత ఉంటుంది.
ఈ పథకం ప్రయోజనం నిజమైన అర్హులైన నిరుపేదలకు మాత్రమే లభించాలన్నదే ప్రభుత్వ లక్ష్యం. అర్హుల ఎంపికను ఇందిరమ్మ కమిటీలు సూచించాల్సి ఉంటుంది.
ఏప్రిల్ 16-17 : ప్రజాప్రతినిధులతో అధికారులు సంప్రదింపులు జరిపి, గ్రామాల వారీగా ఇళ్ల మంజూరుపై చర్చలు
ఏప్రిల్ 18-21 : ఇందిరమ్మ కమిటీల సూచనలను పరిశీలన
ఏప్రిల్ 22-30 : అధికారులచే సూపర్ చెక్
మే 1 : పంచాయతీ కార్యాలయాల్లో అర్హుల జాబితా ప్రదర్శన
మే 2-4 : జిల్లా కలెక్టర్ల ఆధ్వర్యంలో జాబితాల పరిశీలన
మే 5-7 : జిల్లా కలెక్టర్ల చేతుల మీదుగా ఇళ్ల మంజూరు కార్యక్రమం
Details
గతంలో నిర్మించిన డబుల్ బెడ్రూం ఇళ్లపై నిర్ణయం
ఇక, ఇప్పటికే నిర్మితమైన డబుల్ బెడ్రూం ఇళ్లు కానీ లబ్ధిదారులకు కేటాయించని ప్రాంతాల్లోకి వెళ్లినట్లు గుర్తించిన ప్రభుత్వం, వాటిపై కూడా తాజా మార్గదర్శకాలు జారీ చేసింది.
ఈ ఇళ్లు ఎల్-2 (L2) దరఖాస్తుదారులకు మాత్రమే కేటాయించనున్నట్లు స్పష్టంగా పేర్కొంది.
ఇలా ప్రభుత్వం పూర్తిస్థాయిలో వ్యవస్థను ఏర్పాటు చేసి, అర్హులైన పేదల అభ్యున్నతికి దోహదపడేలా ఇందిరమ్మ ఇళ్ల పథకాన్ని ముందుకు తీసుకెళ్తోంది.