Tamilnadu: లైంగిక వేధింపుల ఆరోపణలపై ఉపాధ్యాయుడు అరెస్టు.. కోయంబత్తూర్‌ ప్రభుత్వ పాఠశాలలో ఘటన
తమిళనాడులోని కోయంబత్తూరు జిల్లాలో ఓ షాకింగ్ కేసు వెలుగులోకి వచ్చింది. ఇక్కడ ఓ ప్రభుత్వ పాఠశాల ఉపాధ్యాయుడు 9 మంది విద్యార్థినులను లైంగికంగా వేధించినట్లు ఆరోపణలు వచ్చాయి. ఇండియా టుడే ప్రకారం, పిల్లల లైంగిక దోపిడీ, బాల్య వివాహాలపై అవగాహన సెషన్ నిర్వహించడానికి చైల్డ్ ప్రొటెక్షన్ యూనిట్ (DCPU) సిరుముగై ప్రాంతంలో ఉన్న పాఠశాలకు వచ్చినప్పుడు ఈ సంఘటన వెలుగులోకి వచ్చింది. ఈ కేసులో 5 మందిని పోలీసులు అరెస్ట్ చేశారు.
విద్యార్థినులు ఏం ఫిర్యాదు చేశారు?
54 ఏళ్ల ఉపాధ్యాయుడు నటరాజన్ గత కొన్ని నెలలుగా తమను లైంగికంగా వేధిస్తున్నాడని 7, 8 తరగతుల బాలికలు DCPU కి తెలిపారు. లైంగిక వేధింపులపై క్లాస్ టీచర్లు గీత, శ్యామలకు ఫిర్యాదు చేసినా ఎలాంటి చర్యలు తీసుకోలేదని విద్యార్థులు తెలిపారు. డీసీపీయూ విచారణలో ప్రిన్సిపల్ జమున, మరో ఉపాధ్యాయుడు షణ్ముగదీవులు విచారణ చేసినా నిందితుడిపై ఎలాంటి చర్యలు తీసుకోలేదని తేలింది.
ప్రిన్సిపాల్‌తో పాటు ఉపాధ్యాయులు కూడా అరెస్టు
నివేదిక ప్రకారం, డిసిపియు ఫిర్యాదు ఆధారంగా, నిందితుడైన ఉపాధ్యాయుడు నటరాజన్‌పై పోక్సో చట్టంలోని అనేక సెక్షన్ల కింద కేసు నమోదు చేశారు. ఫిర్యాదు అందినప్పటికి పోలీసులకు సమాచారం ఇవ్వకపోవడంతో అతనితో పాటు పాఠశాల ప్రిన్సిపాల్‌, ముగ్గురు మహిళా ఉపాధ్యాయులను అరెస్టు చేశారు. మహారాష్ట్రలోని అకోలాలో కూడా ఒక ఉపాధ్యాయుడు బాలికలపై లైంగిక వేధింపులకు పాల్పడిన కేసు వెలుగులోకి వచ్చిన విషయం తెలిసిందే.
