గుంటూరు: ఇప్పటంలో ఆక్రమణల పేరుతో కూల్చివేతలు; గ్రామస్థుల ఆగ్రహం
ఈ వార్తాకథనం ఏంటి
గుంటూరు జిల్లా తాడేపల్లి మండలం ఇప్పటం గ్రామంలో ఆక్రమణల పేరుతో అధికారులు మళ్లీ కూల్చివేతలకు పాల్పడ్డారు. అధికారులు జేసీబీలతో 12ఇళ్లను కూల్చివేయడంతో గ్రామస్తులు ఆగ్రహంతో ఊగిపోయారు. అనుమతులను ఉల్లంఘించి ఇళ్లు ప్రహరీ గోడలు నిర్మించుకున్నందున వాటిని కూల్చివేసినట్లు అధికారులు తెలిపారు. శాంతిభద్రతల పరిరక్షణ కోసం గ్రామంలో భారీ పోలీసు బలగాలను మోహరించడంతో పరిస్థితి ఉద్రిక్తంగా మారింది.
గుంటూరు
ఇప్పటంలో కూల్చివేతలు ఇది రెండోసారి
గ్రామంలో అధికారులు కూల్చివేతలు చేపట్టడం ఇదే తొలిసారి కాదు. గతంలో రోడ్డు విస్తరణ పేరుతో అధికారులు కూల్చివేతలు చేపట్టడం వివాదాస్పదంగా మారింది. గ్రామస్తుల నిరసనతో అప్పట్లో కూల్చివేతలు ఆగిపోయాయి. తాజాగా కూల్చివేతల నేపథ్యంలో అధికారుల తీరుతో తమకు అన్యాయం జరుగుతోందని గ్రామస్తులు ఆగ్రహం వ్యక్తం చేస్తున్నారు. అధికారులు వెంటనే గ్రామాన్ని విడిచి వెళ్లాలని డిమాండ్ చేస్తూ నిరసనకు దిగారు.