ఏపీ అసెంబ్లీలో సవాళ్ల పర్వం.. మీసం తిప్పిన బాలయ్య.. తొడకొట్టిన వైసీపీ ఎమ్మెల్యే
ఈ వార్తాకథనం ఏంటి
ఆంధ్రప్రదేశ్ అసెంబ్లీలో ఆసక్తికరమైన పరిణామం చోటు చేసుకుంది. ఓ ఎమ్మెల్యే మీసం తిప్పితే, మరో ఎమ్మెల్యే తొడకొట్టారు. బయటకు రా చూసుకుందాం అంటూ సవాళ్లు విసురుకున్నారు.
శాసనసభ సమావేశాలు మొదలైన కాసేపటికే అధికార, ప్రతిపక్షాలు మధ్య హాట్ హాట్ వాతావరణం నెలకొంది.
హిందుపురం ఎమ్మెల్యే బాలకృష్ణ, మంత్రి అంబటి రాంబాబుల మధ్య మాటల తూటాలు పేలాయి.
చంద్రబాబునాయుడు అక్రమ అరెస్టుపై చర్చ చేపట్టాలని టీడీపీ ఎమ్మెల్యేలు పట్టుబట్టారు. దీనిపై వాయిదా తీర్మానానికి తెలుగుదేశం సభ్యులు పట్టుబడుతూ స్పీకర్ పోడియాన్ని చుట్టుముట్టారు.
ఈ క్రమంలోనే టీడీపీ, వైసీపీల మధ్య ఘర్షణ వాతావరణం తలెత్తింది. టీడీపీ సభ్యుల ఆందోళనల మధ్య సభ సాగుతున్న సందర్భంగా ఎమ్మెల్యే బాలకృష్ణ మీసం తిప్పి సంచలనానికి తెరలేపారు.
DETAILS
ఇరుపక్షాల ఆందోళనల మధ్య 10 నిమిషాలు వాయిదా పడ్డ సభ
ఈ మేరకు మంత్రి అంబటి దీనిపై అభ్యంతరం వ్యక్తం చేశారు. మీసాలు సినిమాల్లో తిప్పుకోవాలని, సభలో కాదని అంబటి హితవు పలికారు.
అంతలోనే రా చూసుకుందాం అంటూ బాలకృష్ణను సవాల్ చేయడంతో సభ వేడెక్కింది. ఈ పరిణామాన్ని ఆసక్తిగా గమనించిన వైసీపీ ఎమ్మెల్యే బియ్యపు మధుసూదన్ రెడ్డి, బాలకృష్ణకు తొడకొట్టి సవాల్ చేశారు.
సభ వాయిదా తర్వాత చంద్రబాబు అరెస్టుపై టీడీపీ చర్చకు పట్టుబట్టింది.ఈ మేరకు స్పీకర్ పోడియం వద్ద పేపర్లు విసురుతూ నిరసన చేపట్టింది.
తెలుగుదేశం ప్రవర్తనతో అవాంఛనీయం జరగనుందని మంత్రి అంబటి అంటుండగా,రండి చూసుకుందాం అని బాలకృష్ణ చేత్తో సైగలు చేశారు.
దీంతో బాలకృష్ణకు వ్యతిరేకంగా వైసీపీ పోడియం వద్ద నిరసన తెలుపగా, సభ పది నిమిషాలు వాయిదా పడింది.
ట్విట్టర్ పోస్ట్ చేయండి
అసెంబ్లీలో మీసం మెలేసిన బాలయ్య
అసెంబ్లీలో మీసం తిప్పిన బాలయ్య.. మీసాలు సినిమాల్లో తిప్పుకో బాలయ్య.. ఇది అసెంబ్లీ.. దమ్ముంటే రా.. అంటూ అంబటి సవాల్.. #ysrcp #YSRCPSocialMedia #cmjagan #TDP #chandrababu #APassembly #APnews #2024elections #ambatirambabu pic.twitter.com/NJNECamBMJ
— raghu addanki (@raghuaddanki1) September 21, 2023