PM Modi: ప్రధాని మోదీ బిజీబిజీ.. 10రోజుల్లో తెలంగాణ సహా 12 రాష్ట్రాల్లో పర్యటన
ఈ వార్తాకథనం ఏంటి
కేంద్ర ఎన్నికల సంఘం 2024 లోక్‌సభ ఎన్నికల షెడ్యూల్‌ను మార్చి 13 తర్వాత ఏ క్షణమైనా ప్రకటించే అవకాశం ఉంది.
ఎన్నికల సంఘం ప్రకటన అనంతరం దేశవ్యాప్తంగా ఎన్నికల ప్రవర్తనా నియమావళి అమలులోకి వస్తుంది.
ఈ క్రమంలో కోడ్ అమల్లోకి వచ్చేలోపే.. ప్రధాని మోదీ సుడిగాలి పర్యటనకు సిద్ధమయ్యారు.
ప్రధాని నరేంద్ర మోదీ మరో 10 రోజుల్లో 12 రాష్ట్రాలు, కేంద్రపాలిత ప్రాంతాల్లో పర్యటించనున్నారు.
ప్రధాని తెలంగాణ, తమిళనాడు, ఒడిశా, పశ్చిమ బెంగాల్, బిహార్, జమ్ముకశ్మీర్, అస్సాం అరుణాచల్ ప్రదేశ్, ఉత్తర్‌ప్రదేశ్, గుజరాత్, రాజస్థాన్‌లలో కలిపి మొత్తం 29 కార్యక్రమాలకు మోదీ హాజరయ్యే అవకాశం ఉంది.
ఈ పది రోజుల్లో ఎన్నికలను దృష్టిలో పెట్టుకొని శంకుస్థాపనలు, ప్రారంభోత్సవాలను ప్రధాని మోదీ చెపట్టనున్నారు.
మోదీ
రూ.లక్షల కోట్ల అభివృద్ధి పనులకు శ్రీకారం
2024 ఏప్రిల్-మేలో జరగనున్న సార్వత్రిక ఎన్నికలకు ముందు, ప్రధాని మోదీ వివిధ రాష్ట్రాల్లో రూ.లక్షల కోట్ల రూపాయలతో అభివృద్ధి కార్యక్రమాలను ప్రారంభించనున్నారు.
తన పదేళ్ల హయాంలో సాధించిన అభివృద్ధి, బీజేపీ నేతృత్వంలోని ప్రభుత్వ సంక్షేమ ఎజెండా వైపు ప్రజల దృష్టిని ఆకర్షించేందుకు ప్రధాని మోదీ ప్రయత్నిస్తున్నారని రాజకీయ విశ్లేషకులు చెబుతున్నారు.
తెలంగాణలోని ఆదిలాబాద్‌లో సోమవారం పలు అభివృద్ధి కార్యక్రమాలను ప్రధాని మోదీ ప్రారంభించనున్నారు.
ఆదిలాబాద్‌లో జరిగే బహిరంగ సభలో కూడా ప్రధాని ప్రసంగిస్తారని అధికారులు తెలిపారు.
అలాగే మార్చి 5న తెలంగాణలోని సంగారెడ్డిలో పలు ప్రాజెక్టులను ప్రధాని మోదీ ప్రారంభించనున్నారు.
తెలంగాణ తర్వాత తమిళనాడులోని కల్పక్కంలో ఉన్న న్యూక్లియర్ పవర్ కార్పొరేషన్ ఆఫ్ ఇండియా లిమిటెడ్ (భవిని)ని ప్రధాని సందర్శిస్తారు.