ఇజ్రాయెల్‌కు భారత్ అండగా ఉంటుంది: నెతన్యాహుతో ప్రధాని మోదీ
ఈ వార్తాకథనం ఏంటి
ఇజ్రాయెల్-హమాస్ మధ్య భీకర యుద్ధం జరుగుతున్న వేళ.. భారత వైఖరిని ప్రధాని మోదీ మరోసారి ప్రపంచానికి తెలియజేశారు.
ఇజ్రాయెల్‌కు భారత్ అండగా ఉంటుందని స్పష్టం చేశారు. ఇజ్రాయెల్ ప్రధాని బెంజమిన్ నెతన్యాహుతో మంగళవారం ప్రధాని నరేంద్ర మోదీ ఫోన్‌లో సంభాషించారు.
ఈ సందర్భంగా నెతన్యాహుతో జరిగిన సంభాషణ వివరాలను మోదీ ట్విట్టర్ ద్వారా వెల్లడించారు.
ఇజ్రాయెల్‌లోని ప్రస్తుత పరిస్థితిని నెతన్యాహు మోదీ వివరించారు. ఈ క్లిష్ట సమయంలో భారత ప్రజలు ఇజ్రాయెల్ వెంట ఉన్నారని నెతన్యాహుకు చెప్పారు.
ఉగ్రవాదం ఏ రూపంలో ఉన్నా, భారత్ ఖండిస్తుందని నెతన్యాహుతో మోదీ చెప్పుకొచ్చారు. అలాగే హమాస్ దాడిని భారత్ తీవ్రంగా ఖండిస్తున్నట్లు వివరించారు.
ఈ కష్ట సమయంలో మద్దతుగా నిలుస్తున్నందుకు భారత్‌కు నెతన్యాహు కృతజ్ఞతలు తెలిపారు.
ట్విట్టర్ పోస్ట్ చేయండి
ప్రధాని మోదీ ట్వీట్
I thank Prime Minister @netanyahu for his phone call and providing an update on the ongoing situation. People of India stand firmly with Israel in this difficult hour. India strongly and unequivocally condemns terrorism in all its forms and manifestations.
— Narendra Modi (@narendramodi) October 10, 2023