FATF: 'రుజువు ఉందా, చర్య తీసుకుంటాం': పాకిస్తాన్‌ను FATFలో ఉంచడానికి భారత్ కృషి
ఈ వార్తాకథనం ఏంటి
భారత ప్రభుత్వం, పాకిస్థాన్‌ను ఆర్థికంగా ఒంటరిగా చేసి ఉగ్రవాదానికి తోడ్పడే అవకాశాలను తగ్గించేందుకు తన చర్యలకు వేగం పెంచింది.
లష్కరే తోయిబా వంటి ఉగ్ర సంస్థలకు నిధులు సమకూర్చినందుకు పాక్‌కు తగిన శిక్ష పడేలా కృషి చేస్తోంది.
ఈ క్రమంలో ఫైనాన్షియల్‌ యాక్షన్‌ టాస్క్‌ ఫోర్స్‌ (FATF) ద్వారా పాక్‌ను మళ్లీ 'గ్రే లిస్ట్'లోకి చేర్చే ప్రయత్నాలను భారత్ ప్రారంభించింది.
ప్రస్తుతం అంతర్జాతీయ ద్రవ్యనిధి సంస్థ (IMF) నుంచి సహాయం కోరుతున్న పాక్‌కు FATF నిర్ణయాలు కీలకంగా మారాయి.
ఈసారి జరగనున్న FATF సమావేశంలో పాకిస్థాన్‌పై నిఘా పెంచాల్సిన అవసరాన్ని భారత్ ప్రతిపాదించే అవకాశం ఉంది.
సాధారణంగా,ఇలాంటి పరిస్థితుల్లో ఉన్న దేశాలను 'గ్రే లిస్ట్'గా పరిగణిస్తారు.
వివరాలు
ఆసియా పసిఫిక్‌ గ్రూప్‌ ఆఫ్‌ మనీలాండరింగ్‌ సభ్యుడిగా పాక్
గతంలో పాకిస్థాన్‌ ఈ జాబితాలో చాలా సంవత్సరాలపాటు ఉండగా, 2022లో మాత్రం మనీలాండరింగ్‌, టెర్రర్‌ ఫైనాన్సింగ్‌ వ్యతిరేకంగా తీసుకున్న చర్యల ఆధారంగా తాత్కాలిక ఉపశమనం పొందింది.
భారత్‌పై ఆర్థిక దెబ్బతీసేందుకు పాకిస్థాన్‌ ఉగ్రవాద నిధుల వ్యవస్థకు మద్దతు ఇచ్చినట్లు పలు ఆధారాలు తమ వద్ద ఉన్నాయని FATF సమావేశాల్లో పాల్గొన్న ఒక భారత అధికారి తెలిపారు.
వీటిని అవసరమైన సమయంలో అంతర్జాతీయ వేదికలపై బయటపెట్టేందుకు సిద్ధంగా ఉన్నామని వెల్లడించారు.
FATFలో భారత్ సభ్యదేశంగా ఉండగా, పాకిస్థాన్‌ మాత్రం ఆసియా పసిఫిక్‌ గ్రూప్‌ ఆఫ్‌ మనీలాండరింగ్‌ సభ్యుడిగా ఉన్న విషయం గమనార్హం.
భవిష్యత్తులో IMF బోర్డు సమావేశాల్లో పాకిస్థాన్‌ కోసం ప్రతిపాదించబడే ఆర్థిక ప్యాకేజీలను భారత్ తీవ్రంగా వ్యతిరేకించనుంది.
వివరాలు
మూడు దేశాలు బ్లాక్‌లిస్ట్‌లో.. 25 దేశాలు గ్రే లిస్ట్‌లో
ఇటీవల పహల్గాం ఉగ్రదాడి నేపథ్యంలో ఈ అంశం మరింత ప్రాధాన్యత సంతరించుకుంది.
''FATF, IMF సమావేశాల్లో వినియోగించేందుకు అవసరమైన ఆధారాలను ఇప్పటికే సేకరించాం. ఉగ్రవాదానికి సహాయపడే దేశాలకు అంతర్జాతీయ ఆర్థిక సంస్థల నుంచి నిధులు అందకూడదన్న దృఢమైన స్థాయిలో భారత్ వాదించనుంది,'' అని అధికార వర్గాలు వెల్లడించాయి.
ఇక ఈ ఏడాది మొదటి భాగంలో జరిగిన FATF సమీక్ష ప్రకారం, మూడు దేశాలు బ్లాక్‌లిస్ట్‌లో ఉండగా, మరో 25 దేశాలు గ్రే లిస్ట్‌లో ఉన్నట్లు సమాచారం.