Air Force Dinner Menu: భారత వైమానిక దళం 93వ వార్షికోత్సవం.. రావల్పిండి చికెన్ టిక్కా.. ప్రత్యేక డిన్నర్‌ మెనూ వైరల్
ఈ వార్తాకథనం ఏంటి
భారత వైమానిక దళం బుధవారం తన 93వ వార్షిక దినోత్సవాన్ని ఘనంగా జరుపుకుంది. ఈ సందర్భంగా ఏర్పాటు చేసిన డిన్నర్‌ మెనూ సోషల్ మీడియాలో వైరల్ అవుతోంది. ఆపరేషన్ సిందూర్ లో భాగంగా ఇటీవల పాక్‌, పాక్‌ ఆక్రమిత కశ్మీర్‌లోని ఉగ్రశిబిరాలపై మన దళాలు విరుచుకుపడిన సంగతి తెలిసిందే. ముఖ్యంగా, ఈ మెనూను రూపొందించడంలో "ఆపరేషన్ సిందూర్" (Operation Sindoor) విజయాన్ని ప్రతిబింబించేలా ప్రత్యేకంగా తయారు చేశారు. ఆ ఉగ్రశిబిరాల పేర్లను మెనూలోని వంటకాలకు జోడించారు. బీజేపీ ప్రతినిధి షెహజాద్ పునావాలా (Shehzad Poonawalla) ఈ మెనూకి సంబంధించిన ఫోటోను తన సోషల్ మీడియా ఖాతాలో పంచుకున్నప్పటి నుంచి ఇది మరింత చర్చనీయాంశం గా మారింది.
వివరాలు
డిన్నర్‌ మెనూ ప్రత్యేకతలు:
ఈ మెనూలోని వంటకాల పేర్లు, ఆపరేషన్ సిందూర్లో లక్ష్యంగా పెట్టిన ప్రాంతాల పేర్లను ప్రతిబింబిస్తున్నాయి. వాటి పేర్లు ఇలా ఉన్నాయి: రావల్పిండీ చికెన్ టిక్కా మసాలా (Rawalpindi Chicken Tikka Masala) రఫీకీ రహ్రా మటన్‌ (Rafiqui Rahra Mutton) భోలారి పనీర్ మేతి మలై (Bholari Paneer Methi Malai) సుక్కూర్ షామ్ సవేరా కోఫ్తా (Sukkur Sham Savera Kofta) సర్గోధా దాల్ మఖానీ (Sargodha Dal Makhani) జాకోబాబాద్ మేవా పులావ్ (Jacobabad Meva Pulao) బహావల్పూర్ నాన్‌ (Bahawalpur Naan)
వివరాలు
డెజర్ట్‌ విభాగం:
డిన్నర్‌ ముగింపు భాగంలో ప్రత్యేకంగా విందుకు డెజర్ట్స్ కూడా ఏర్పాటు చేశారు: బాలకోట తిరమిసు (Balakot Tiramisu) ముజఫరాబాద్ కుల్ఫీ ఫలూదా (Muzaffarabad Kulfi Falooda) ముర్కిదే మీతా పాన్‌లు (Muridke Meetha Paan) ఈ మెనూ రూపొందించడం ద్వారా భారత వైమానిక దళం తన 93 సంవత్సరాల ప్రతిష్టను, ఆపరేషన్ సిందూర్ విజయాన్ని, అలాగే సైనిక శౌర్యాన్ని ప్రతిబింబిస్తూ ఒక ప్రత్యేక గుర్తింపును ఇచ్చింది.