Tirupati:తిరుపతి నగరానికి తలమానికంగా రైల్వే స్టేషన్.. అత్యాధునిక సౌకర్యాలతో కొత్త అనుభూతి
ఈ వార్తాకథనం ఏంటి
తిరుపతి రైల్వే స్టేషన్ చాలా కాలంగా వరల్డ్ క్లాస్ రైల్వే స్టేషన్‌గా అభివృద్ధి చెందుతుందని విన్నాం. ఇప్పుడు అది సాకారం కాబోతోంది.
తిరుపతి రైల్వే స్టేషన్ కొత్త ముద్ర వేస్తూ, రూ. 300 కోట్లతో అత్యాధునిక సౌకర్యాలను అందించడానికి సిద్ధమవుతోంది.
ఇది తిరుమలకు వచ్చే భక్తులకు ఒక కొత్త అనుభూతిని అందించనుంది. ఏడాదికి 6 కోట్ల మంది యాత్రికులు రాకపోకలు సాగించే ఈ రైల్వే స్టేషన్, త్వరలోనే అంతర్జాతీయ ప్రమాణాలతో అందుబాటులోకి రానుంది.
దాదాపు 7.5 ఎకరాల విస్తీర్ణంలో తిరుపతి రైల్వే స్టేషన్ పునర్నిర్మాణం 2022 ఆగస్టులో ప్రారంభమైంది.
ఈ ఏడాది చివరి నాటికి మొదటి దశ పనులు పూర్తవుతాయని,ఢిల్లీలోని వరిందేర కన్‌స్ట్రక్చర్ సంస్థ ఈ పనులను పూర్తి చేస్తుందని తెలుస్తోంది.
వివరాలు
200 ఫోర్ వీలర్స్, 300 టూ వీలర్స్ పార్కింగ్
తిరుపతి ఎంపీ మద్దిల గురుమూర్తి రైల్వే స్టేషన్ మోడర్నైజేషన్ పనులను పరిశీలించారు.
ఈ క్రమంలో రైల్వే అధికారులు సౌత్ సైట్ స్టేషన్ బిల్డింగ్, జీ ప్లస్ త్రీ భవనం, ఎయిర్ కాన్ కోర్సెస్, ఇతర ఇంజనీరింగ్ పనులను పవర్ పాయింట్ ప్రజెంటేషన్ ద్వారా వివరించారు.
సౌత్ సైడ్ స్టేషన్ భవనం 10,800 స్క్వేర్ మీటర్ల విస్తీర్ణంలో పూర్తయింది. ఇందులో బేస్మెంట్ పార్కింగ్, గ్రౌండ్ ఫ్లోర్‌లో టికెట్ కౌంటర్స్,వెయిటింగ్ లాంజ్,డిపార్చర్ అరైవల్ కాన్ కోర్స్ వంటి సౌకర్యాలు కల్పించారు.
ఈ బేస్మెంట్‌లో 200 ఫోర్ వీలర్స్, 300 టూ వీలర్స్ పార్కింగ్, రైన్ వాటర్ హార్వెస్టింగ్ పిట్స్, సేవరేజ్ ట్రీట్మెంట్ ప్లాంట్, వాటర్ ట్రీట్మెంట్ ప్లాంట్ వంటి సదుపాయాలు ఉన్నాయి.
వివరాలు
రోజుకు 1.50 లక్షల మంది ప్రయాణికులు
సౌత్ సైడ్ స్టేషన్ భవనం సెకండ్ ఫ్లోర్‌లో కామన్ వెయిటింగ్ హాల్, ఫిమేల్ వెయిటింగ్ ఏరియా, ఫుడ్ కోర్ట్స్, టాయిలెట్స్, క్లాక్ రూమ్ వంటి సౌకర్యాలను కల్పించారు.
థర్డ్ ఫ్లోర్‌లో రన్నింగ్ రూమ్, టిటీఈల రెస్ట్ రూములు, రైల్వే ఆఫీసులతో పాటు 8 లిఫ్టులు, 2 ఎస్కలేటర్లు నిర్మించారు.
తిరుమలకు వచ్చే యాత్రికులకు నూతన అనుభూతిని అందించేలా రైల్వే స్టేషన్ మోడర్నైజేషన్ పనులు జరుగుతున్నాయి.
తిరుపతి ఎంపీ గురుమూర్తి స్వయంగా పనులను పరిశీలించి, రైల్వే అండర్ బ్రిడ్జిలు, ఫుట్ ఓవర్ బ్రిడ్జిలు, ప్లాట్‌ఫామ్‌లను తనిఖీ చేశారు.
ప్రస్తుతం 90 రైళ్లు, 90 వేల మంది యాత్రికులకు సేవలందిస్తున్న ఈ స్టేషన్, మోడర్నైజేషన్ తర్వాత రోజుకు 1.50 లక్షల మంది ప్రయాణికుల అవసరాలను తీర్చనుంది.
వివరాలు
డిసెంబరులో యాత్రికులకు అందుబాటులో సౌత్ బ్లాక్
తిరుపతి రైల్వే స్టేషన్ అభివృద్ధి అనేది మాజీ ముఖ్యమంత్రి జగన్ ప్రోత్సాహంతో సాధ్యమైందని ఎంపీ గురుమూర్తి అన్నారు.
ఈ ఏడాది డిసెంబరులో తిరుపతికి వచ్చే యాత్రికులకు సౌత్ బ్లాక్ పూర్తిగా అందుబాటులోకి వస్తుందని, రైల్వే స్టేషన్ నుంచి ఆర్టీసీ బస్టాండ్‌కు అనుసంధానంగా స్కై వాక్ కూడా రానుందని తెలిపారు.
తిరుపతి రైల్వే స్టేషన్ నుంచి అలిపిరి వరకు రోప్ వే నిర్మాణానికి డిపిఆర్ సిద్ధమవుతోందని, ఈ రోప్ వే ద్వారా 2 వేల మంది ప్రయాణించేందుకు చర్యలు తీసుకున్నామని ఎంపీ గురుమూర్తి స్పష్టం చేశారు.